ഇന്ന് സെപ്റ്റംബര്‍ 6: അഷ്ടമിരോഹിണി വ്രതവും ശ്രീകൃഷ്ണ ജയന്തിയും ഇന്ന്: എസ്. കൃഷ്ണകുമാറിന്റെയും ഐശ്വര്യ ലക്ഷ്മിയുടെയും പ്രജിന്റേയും ജന്മദിനം: രണ്ടാം ലോക മഹായുദ്ധത്തില്‍ ദക്ഷിണാഫ്രിക്ക, കാനഡ എന്നീ രാജ്യങ്ങള്‍ ജര്‍മനിയ്‌ക്കെതിരെ യുദ്ധം പ്രഖ്യാപിച്ചതും ദേശാഭിമാനി പത്രം പ്രസിദ്ധീകരണം ആരംഭിച്ചതും ചരിത്രത്തില്‍ ഇതേദിനം തന്നെ: ജ്യോതിര്‍ഗമയ വര്‍ത്തമാനങ്ങളും

1199   ചിങ്ങം 21
കാർത്തിക  / സപ്തമി
2023 സെപ്റ്റംബർ 6, ബുധൻ,
അഷ്ടമിരോഹിണി വ്രതം

ഇന്ന്;
 ശ്രീകൃഷ്ണ ജയന്തി !
***********
[ശ്രീകൃഷ്ണന്റെ 5250-ാം ജന്മവാർഷികം, (ജന്മാഷ്ടമി). നാളെ ദഹിഹണ്ടി' 
(ഉത്‌ലോത്സവം അഥവാ ഉറിയടി) ഉത്സവം !
ആറന്മുള അഷടമിരോഹിണി വള്ളസദ്യ !
.    ്്്്്്്്്്്്്്്്്്്്്്്്്്്്്

പ്രതിഭകളെ സ്വന്തമാക്കാനുള്ള ലോകദിനം [Global Talent Aquisition Day]
.   ്്്്്്്്്്്്്്്്്്്്്്്്്്്്്
'നീട്ടിവയ്ക്കൽ തന്ത്ര'ത്തിനെതിരേയുള്ള ദേശീയ പോരാട്ട ദിനം !

[Fight Procrastination Day ]

* പാകിസ്ഥാൻ : ഡിഫൻസ് ഡേ !
* സാവു ടോം / പ്രിൻസിപെ:
   സശസ്ത്രസൈന്യ ദിനം !
* സ്വാസിലാൻഡ്: സ്വാതന്ത്ര്യ ദിനം!
* ബോൺഎയർ: പതാക ദിനം !
* USA ; 
*നാഷണൽ കോഫി ഐസ്‌ ക്രീം ഡേ !
  [National Coffee Ice Cream Day]
*National Read a Book Day !
*National Color Blind Awareness Day !
*National Suicide Prevention Month     !
*Fight Procrastination Day  !
*National Another Look Unlimited Day !

ഇന്നത്തെ മൊഴിമുത്ത്
്്്്്്്്്്്്്്്്്്‌്‌്‌്
''പുറത്തിറങ്ങാറില്ല കാരണം രണ്ട്. 
ഒന്ന്, കണ്ണിനു നല്ല സുഖം ഇല്ല. 
രണ്ട്, വസ്ത്രധാരണവും വളരെ പരിമിതമാക്കേണ്ടുന്ന ഘട്ടമാണ്. വലിയതും ചെറിയതുമായ ഒരു മുണ്ട്. ഞാൻ പുറത്തു പോകുമ്പോൾ അത് എടുക്കും. വന്നാൽ ഭാര്യ ഉടുക്കും. പുറത്തുപോയ അവസരത്തിൽ ഭാര്യ കുളിച്ചാൽ ഈറനുമായി എന്റെ പ്രത്യാഗമനം വരെ ഉള്ളിൽ ഇരിക്കും.”

 [ -വിഷ്ണു ഭാരതീയൻ ]
 ********** 

IAS ൽ നിന്നും രാജിവച്ച് കോൺഗ്രസ് രാഷട്രീയത്തിൽ എത്തുകയും മുന്ന് തവണ എം.പി യും ആരോഗ്യ - കുടുംബക്ഷേമ വകുപ്പിന്റെയും ടെക്സ്റ്റയിൽസ് മന്ത്രാലയത്തിന്റെയും വാർത്താ പ്രക്ഷേപണ വകുപ്പിന്റെയും പെട്രോളിയം പ്രകൃതി വാതകം, പ്രതിരോധം, കൃഷി തുടങ്ങിയ വകുപ്പുകളുടെയും ചുമതല വഹിച്ചിട്ടുള്ള മുൻ ഐഎഎസ് ഉദ്യോഗസ്ഥനും കോൺലോകസഭ അംഗവുമായിരുന്ന എസ്. കൃഷ്ണകുമാറിന്റെയും(1939 ),

മലയാള തമിഴ് സിനിമയിൽ അഭിനയിക്കുന്ന ഒരു MBBS ബിരുദ്ധ ധാരിയായ, അടുത്തിടെ പൊന്നിയിൽ ശെൽവൻ എന്ന പടത്തിൽ പൂങ്കുഴലിയുടെ ഭാഗം അഭിനയിച്ച, തിരുവനന്തുപുരത്ത് ജനിച്ചു വളർന്ന ഐശ്വര്യ ലക്ഷ്മിയുടെയും (1990),

തമിഴ് ചാനല്‍ 'സണ്‍ ടിവി'യിലെ അവതാരകനും മണല്‍ നഗരം, എങ്ങെയും നാന്‍ ഇരുപ്പേന്‍   (തമിഴ് ചിത്രങ്ങള്‍) ടൂര്‍ണമെന്റ്, ദ ത്രില്ലര്‍, സാന്റ് സിറ്റി തുടങ്ങി തമിഴ് / മലയാള ചിത്രങ്ങളിലും അഭിനയിച്ച ചലച്ചിത്ര അഭിനേതാവും ടെലിവിഷന്‍ അവതാരകനുമായ പ്രജിന്റേയും (1985),

ബോളിവുഡ് ചലച്ചിത്ര രംഗത്തെ ഒരു നടനും, നിർമ്മാതാവും, സംവിധായകനുമായ രാകേഷ് റോഷൻ എന്നറിയപ്പെടുന്ന രാകേഷ് റോഷൻ ലാൽ നഗ്രത്തിന്റെയും (1949),

എച്ച്ബിഒ സീരീസിലെ സ്ട്രിംഗർ ബെൽ (2002-2004), ബിബിസി വൺ സീരീസിലെ ഡിസിഐ ജോൺ ലൂഥർ (2010-2019), നെൽസൺ മണ്ടേലുടെ റോളിലും  പ്രശസ്തനായ, മികച്ച നടനുള്ള ഗോൾഡൻ ഗ്ലോബ് പുരസ്‌കാരവും മികച്ച നായക നടനുള്ള പ്രൈംടൈം എമ്മി പുരസ്‌കാരവും നേടിയ ഇദ്രിസ് എൽബ എന്ന ബ്രിട്ടീഷ് താരത്തിന്റേയും (1972)  ജന്മദിനം !

ഇന്നത്തെ സ്മരണ !!!
*********

കല്ലന്മാർത്തൊടി രാവുണ്ണിമേനോൻ മ.
(1900 -1947)
പോഞ്ഞിക്കര റാഫി മ. (1924 -1992 )
ബി. സി ശേഖർ മ. (1929 -2006)
മാവേലിക്കര പൊന്നമ്മ മ. (-1995)
സള്ളി പ്രുധോം മ. ( 1839 -1907)
മാർഗരറ്റ് സാംഗർ മ. (1879 -1966)
അകിര കുറൊസാവ മ. (1910-1998 )

വിഷ്ണു ഭാരതീയൻ ജ. (1892 -1981)
പുത്തൻകാവ് മാത്തൻതരകൻ ജ. (1903 -1993)
എം.ഒ.എച്ച്. ഫാറൂഖ് ജ. (1937-2012)
ശരത് ചന്ദ്ര ബോസ് ജ. (1889-1950)
ജോൺ ഡാൽട്ടൺ ജ. (1766 -1844)
അബ്ദുൽ ഖാദർ അൽ-ജസാഇരി ജ. (1808-1883)
ജോൺ ഡാൽമെയെർ ജ. (1830 -1883)
എഡ്വാർഡ് ആപ്പിൾടൺ ജ. (1892-1965)
പോൾ ഡൗഗെർറ്റി ജ. (1877 -1947)
റവ. യുസ്തൂസ് യോസഫ് ജ. (1835-1887)

ചരിത്രത്തിൽ ഇന്ന്…
*********

1939 - രണ്ടാം ലോക മഹായുദ്ധം ; ദക്ഷിണാഫ്രിക്ക, കാനഡ എന്നീ രാജ്യങ്ങൾ ജർമനിയ്ക്കെതിരെ യുദ്ധം പ്രഖ്യാപിച്ചു.

1942 - ദേശാഭിമാനി പത്രം പ്രസിദ്ധീകരണം ആരംഭിച്ചു.

1968 - ബ്രിട്ടീഷ് കോളനിയായിരുന്ന സ്വാസിലാന്റിനു സ്വാതന്ത്ര്യം ലഭിച്ചു.

1991 - എസ്തോണിയ, ലാത്വിയ, ലിത്വാനിയ എന്നീ ബാൾട്ടിക് രാജ്യങ്ങളുടെ സ്വാതന്ത്ര്യം സോവിയറ്റ് യൂണിയൻ അംഗീകരിച്ചു .

1991 - ലെനിൻഗ്രാഡിന്റെ പേര് സെന്റ് പീറ്റേഴ്‌സ്ബർഗ് എന്നാക്കി മാറ്റുന്നതിന് റഷ്യൻ പാർലമെന്റ് അംഗീകാരം നൽകി. ഒക്ടോബർ 1 മുതലാണ് മാറ്റം.

1995 - ബാൾട്ടിമോർ ഓറിയോൾസിലെ കാൽ റിപ്‌കെൻ ജൂനിയർ തന്റെ തുടർച്ചയായ 2,131-ാം ഗെയിമിൽ കളിച്ചു, 56 വർഷമായി നിലനിന്ന റെക്കോർഡ് തകർത്തു.,

1997 - വെയിൽസ് രാജകുമാരി ഡയാനയുടെ സംസ്കാരം ലണ്ടനിൽ നടന്നു . ഒരു ദശലക്ഷത്തിലധികം ആളുകൾ തെരുവുകളിൽ അണിനിരന്നു, ലോകമെമ്പാടുമുള്ള 2 1 ⁄2 ബില്യൺ ആളുകൾ ടെലിവിഷനിൽ കണ്ടു.

2003 - മഹ്മൂദ് അബ്ബാസ് പലസ്തീൻ പ്രധാനമന്ത്രി സ്ഥാനത്തുനിന്ന് രാജിവച്ചു . 

2007 - Operation orchard , സിറിയക്കെതിരായ ഇസ്രായൽ സൈനിക നീക്കം തുടങ്ങി.

2012 - തുർക്കിയിലെ ഇസ്മിർ പ്രവിശ്യാ തീരത്ത് ഗ്രീക്ക് ഈജിയൻ ദ്വീപുകൾക്ക് സമീപം മത്സ്യബന്ധന ബോട്ട് മറിഞ്ഞ് 61 പേർ മരിച്ചു .

2013 - ഹ്വാംഗെ നാഷണൽ പാർക്കിലെ വേട്ടക്കാർ നാൽപ്പത്തിയൊന്ന് ആനകൾക്ക് ഉപ്പുചട്ടികളിൽ സയനൈഡ് വിഷം കലർത്തി . 

2018 - ഇന്ത്യൻ രാജ്യങ്ങളിൽ സ്വവർഗരതി നിയമവിധേയമാക്കിക്കൊണ്ട്, മുതിർന്നവർ തമ്മിലുള്ള എല്ലാ സമ്മതത്തോടെയുള്ള ലൈംഗിക ബന്ധവും ഇന്ത്യൻ സുപ്രീം കോടതി കുറ്റകരമല്ലാതാക്കി. 

2022 - ബോറിസ് ജോൺസൺ യുണൈറ്റഡ് കിംഗ്ഡത്തിന്റെ പ്രധാനമന്ത്രി സ്ഥാനം രാജിവച്ചു, പകരം ലിസ് ട്രസ് നിയമിതനായി . 

2022 - റുസ്സോ-ഉക്രേനിയൻ യുദ്ധം : ഉക്രെയ്ൻ അതിന്റെ ഖാർകിവ് പ്രത്യാക്രമണം ആരംഭിച്ചു, റഷ്യൻ സേനയെ അത്ഭുതപ്പെടുത്തി, 3,000 ചതുരശ്ര കിലോമീറ്റർ ഭൂമി തിരിച്ചുപിടിച്ചു, അടുത്ത ആഴ്ചയ്ക്കുള്ളിൽ ഓസ്കിൽ നദിയുടെ പടിഞ്ഞാറുള്ള ഖാർകിവ് പ്രദേശം മുഴുവൻ തിരിച്ചുപിടിച്ചു. 

്്്്്്്്്്്്്്്്്്്്്‌്‌്‌്‌്‌്‌്‌
ഇന്ന്‍,
മുക്കുറ്റി പൂവ്, പാറിപ്പോയ പൈങ്കിളി, ഞാൻ കണ്ട വൈകുണ്ഠം തുടങ്ങിയ വളരെ കുറച്ചു നല്ല കാൽപ്പനിക കവിതകൾ എഴുതിയ സ്വാതന്ത്യ സമര സേനാനിയും, ഭാഷ അധ്യാപകനും ഗാന്ധിയനും, കവിയും ആയിരുന്ന കല്ലന്മാർത്തൊടി രാവുണ്ണി മേനോനെയും (1900 ഏപ്രിൽ 26-1947 സെപ്റ്റംബർ 6 )

മലയാളത്തിലെ ആദ്യത്തെ ബോധധാരാ നോവലായ സ്വര്‍ഗദൂതന്‍ എഴുതുകയും   ഡെമോക്രാറ്റ്,    സുപ്രഭ തുടങ്ങിയ വാരികകളില്‍ സഹപത്രാധിപരും, നാഷനല്‍ ബുക്സ്റ്റാളിൽ ജോലി ചെയ്യുകയും എട്ടു വര്‍ഷം സമസ്തകേരള സാഹിത്യപരിഷത്തിന്റെ സെക്രട്ടറിയും ആയിരുന്ന നോവലിസ്റ്റും ചരിത്രഗവേഷകനും ആയിരുന്ന പോഞ്ഞിക്കര റാഫിയെയും (1924 ഏപ്രിൽ 12-1992 സെപ്റ്റംബര്‍ 6),.

മലേഷ്യൻ റബ്ബർ ഗവേഷണ കേന്ദ്രത്തിൻറെ മേധാവിയും, കൃത്രിമ റബ്ബറിനെ അപേക്ഷിച്ച് സ്വാഭാവിക റബ്ബറിനുണ്ടായിരുന്ന പല പോരായ്മകളും പരിഹരിക്കുന്നതിന് ഗവേഷണങ്ങളിലൂടെ സാധിക്കുകയും  മലേഷ്യൻ സർക്കാർ ടാൻ ശ്രീപദവി നൽകി  ആദരിക്കുകയും 1973ൽ റമൺ മഗ്സാസെ അവാർഡു ലഭിക്കുകയും ചെയ്ത റബ്ബർ ഗവേഷണ രംഗത്തെ പ്രസിദ്ധ ശാസ്ത്രജ്ഞൻ ബാലചന്ദ്ര ചക്കിംഗൽ ശേഖർ എന്ന ബി സി ശേഖറിനെയും(1929 നവംബർ 17 -2006 സെപ്റ്റംബർ 6 ) ,

സാഹിത്യത്തിനുള്ള നോബൽ സമ്മാനം ആദ്യമായി 1901ൽ ലഭിച്ച ഫ്രഞ്ച് കവിയും സാഹിത്യകാരനുമായിരുന്ന റെനെ ഫ്രാൻസ്വാ ആർമണ്ട് (സള്ളി) പ്രുധോമിനെയും ( 16 മാർച്ച് 1839 – 6 സെപ്റ്റംബർ 1907),

സ്വന്തം ശരീരത്തിൽ സ്ത്രീകളുടെ അവകാശം, പ്രജനനവുമായി ബന്ധപ്പെട്ടു സ്ത്രീ നേരിടുന്ന ദുരിതങ്ങൾ, സ്ത്രീയുടെ സാമൂഹികാവകാശങ്ങൾ തുടങ്ങിയവയ്ക്കുവേണ്ടി ഇരുപതാംനൂറ്റാണ്ടിൽ ഏറ്റവും സംഘടിതമായ യത്നങ്ങൾ നടത്തുകയും,  തൻറെ അമ്മ 18 പ്രസവത്തിലൂടെ (ഏഴ് ചാപിള്ളകൾ) ദുരിതമനുഭവിച്ചു മരിച്ചതിൽ മനംനൊന്ത് ജനനനിയന്ത്രണമെന്ന ആശയം ആദ്യമായി അവതരിപ്പിച്ച മാർഗരറ്റ് സാംഗറിനെയും (1879 സെപ്റ്റംബർ 14 -സെപ്റ്റംബർ 6, 1966),

അറുപത്തഞ്ച്‌ വർഷങ്ങൾക്കിപ്പുറവും ചർച്ച ചെയ്യപ്പെട്ടു കൊണ്ടിരിക്കുന്നു. റാഷോമോൺ എന്ന ചിത്രത്തിന്റെ സംവിധായകനും 
സിനിമയുടെ ചരിത്രത്തില്‍ ഏറ്റവും സ്വാധീക്കപ്പെടുകയും പ്രാധാന്യമർഹിക്കുകയും ചെയ്യുന്ന വ്യക്തിത്വവമായി കണക്കാക്ക പ്പെടുന്ന 
ലോകപ്രശസ്തനായ ജാപ്പനീസ് സംവിധായകനും നിർമ്മാതാവും, തിരക്കഥാകൃത്തുമായിരുന്ന 'അകിര കുറൊസാവയെയും  (1910 മാർച്ച് 23 – 1998 സെപ്റ്റംബർ 6) ,

യുയോമയ സഭ എന്ന പേരിൽ ഇപ്പോൾ അറിയപ്പെടുന്ന ഒരു സഭാവിഭാഗത്തിന്റെ പിറവിക്ക് കാരണക്കാരനായ ക്രൈസ്തവ മിഷണറിയും, കേരളത്തിലെ ക്രൈസ്തവ സഭകൾ വ്യാപകമായി ഉപയോഗിക്കുന്ന ഓശാന ഞായറാഴ്ച - മറുദിവസം മറിയമകൻ വരുന്നുണ്ടെന്നു യരുശലേമിൽ വരുന്നുണ്ടെന്നു..., ദുഃഖവെള്ളിയാഴ്ച - എന്തൊരൻപിതപ്പനേ ഈ പാപിമേൽ ..., ഉയിർപ്പുഞായർ - ഇന്നേശു രാജനുയിർത്തെഴുന്നേറ്റു ... തുടങ്ങിയ നിരവധി ക്രിസ്തീയകീർത്തനങ്ങളുടെ രചയിതാവുമായ രാമയ്യൻ എന്ന് പുർവ്വനാമമുള്ള  വിദ്വാൻ കുട്ടിയച്ചൻ  എന്നറിയപ്പെട്ടിരുന്ന റവ. യുസ്തൂസ് യോസഫിനെയും(സെപ്റ്റംബർ 6, 1835 - 1887),

വടക്കേമലബാറിലെ ഒരു പ്രമുഖ സ്വാതന്ത്ര്യസമരസേനാനിയും, കമ്മ്യൂണിസ്റ്റു് നേതാവുമായിരുന്ന വിഷ്ണു നമ്പീശൻ എന്ന വിഷ്ണു ഭാരതീയനെയും (1892 സെപ്റ്റംബർ 6 - മെയ് 14, 1981),

വിശ്വദീപം,സങ്കീർത്തനങ്ങൾ,
പ്രഥമ പ്രളയം,ഹെരൊദാവ് തുടങ്ങി ഗദ്യവും പദ്യവുമായി  50 ഓളം കൃതികൾ രചിച്ച 
പുത്തൻകാവ് മാത്തൻ  തരകനെയും   (1903 സെപ്റ്റംബർ 6 -1993 ഏപ്രിൽ 5) 

ഏറ്റവും കുറഞ്ഞ പ്രായത്തിൽ മുഖ്യമന്ത്രിയായ വ്യക്തിയും മൂന്നു തവണ ഇദ്ദേഹം പുതുച്ചേരിയുടെ മുഖ്യമന്ത്രിസ്ഥാനം വഹിക്കുകയും  മൂന്നുതവണ പോണ്ടിച്ചേരി ലോക്‌സഭാ മണ്ഡലത്തിൽ നിന്ന് എം.പി. യാകുകയും . കേന്ദ്രവ്യോമയാന, ടൂറിസം സഹമന്ത്രിയും സൗദി അറേബ്യയിലെ ഇന്ത്യൻ അംബാസഡറാകുകയും ജാർഖണ്ഡിന്റെയും കേരളത്തിലെയും  ഗവർണ്ണറും ആയിരുന്ന  എം.ഒ. ഹസൻ ഫാറൂഖ് മരിക്കാർ  എന്ന എം.ഒ.എച്ച്. ഫാറൂഖിനെയും (6 സെപ്റ്റംബർ 1937 - 26 ജനുവരി 2012) ,

ആധുനിക ഭൗതികശാസ്ത്രത്തിനും രസതന്ത്രത്തിനും അടിത്തറയിട്ട പരമാണു സിദ്ധാന്തത്തിന്റെ ഉപജ്ഞാതാവായ ഇംഗ്ലീഷ് ഭൗതികശാസ്ത്രജ്ഞൻ ജോൺ ഡാൽട്ടണെയും (സെപ്റ്റംബർ 6, 1766 - ജൂലൈ 27, 1844),

മസ്കാറയിലെ അമീറും,ഒരു മുസ്ലീം ജനക്കൂട്ടത്തിൽനിന്ന് 12,000 ക്രിസ്ത്യാനികളെ രക്ഷപ്പെടുത്തിയതിന് ഗ്രാന്റ് കോർഡൻ എന്ന സ്ഥാനം  ലഭിക്കുകയും ചെയ്ത അൽജീറിയൻ ദേശീയനേതാവായിരുന്ന അബ്ദുൽ ഖാദർ  അൽ-ജസാഇരിയെയും (സെപ്റ്റംബർ 6,1808 - മെയ് 26, 1883),

ഫോട്ടോഗ്രാഫിക് ലെൻസുകളിൽ ശ്രദ്ധ കേന്ദ്രീകരിച്ച്  അന്ന് പ്രചാരത്തിലുണ്ടായിരുന്ന പോർട്രെയിറ്റ്, ലാൻഡ്സ്ക്കേപ്പ് ലെൻസുകളുടെ നിർമ്മാണത്തിൽ പല പുതിയ പരിഷ്ക്കാരങ്ങളും വരുത്തി അവയുടെ ഗുണമേന്മ വർധിപ്പിക്കുകയും അതോടൊപ്പം സൂക്ഷ്മദർശിനിയിൽ ഉപയോഗിക്കുന്ന ഓബ്ജക്റ്റ് ഗ്ലാസ്സ്, പ്രാകാശിക ലാന്റേണിലെ കണ്ടൻസെർ എന്നിവയേയും  പരിഷ്ക്കരിക്കുകയും സൂര്യന്റെ ചിത്രമെടുക്കാൻ കഴിയുന്ന ഏതാനും ഫോട്ടോഹീലിയോഗ്രാഫുകളും  നിർമ്മിക്കുകയും ചെയ്ത ആഗ്ലോ-ജർമൻ ശാസ്ത്രജ്ഞൻ ജോൺ ഹെൻറി ഡാൽമെയെറെയും (1830 സെപ്റ്റംബർ 6-30 ഡിസംബർ 1883),

അയണോസ്ഫിയറിനെക്കുറിച്ചുളള പഠന ഗവേഷണങ്ങളെ മാനിച്ച് 1947-ൽ ഭൌതികശാസ്ത്രത്തിൽ  നോബൽ സമ്മാനം ലഭിച്ച പ്രമുഖനായ യുണൈറ്റഡ് കിങ്ഡം ഭൗതിക ശാസ്ത്രഞ്ജൻ എഡ്വാർഡ് വിക്ടർ ആപ്പിൾടണിനെയും (6 സെപ്റ്റംബർ ജനുവരി 1892 – 21 ഏപ്രിൽ 1965),

ന്യൂ ഇംഗ്ലണ്ട് തീരത്തിലൂടെ പല യാത്രകളും നടത്തി സമുദ്രസംബന്ധമായ ചിത്രരചനകൾ നടത്തുകയും, അനേകം മലയോര ദൃശ്യങ്ങളും വ്യക്തിചിത്രങ്ങളും  ക്യാൻവാസിലേക്കു പകർത്തിയ അമേരിക്കൻ ചിത്രകാരൻ പോൾ ഡൗഗെർറ്റിയെയും (1877 സെപ്റ്റംബർ 6-1947 ജനുവരി 9 ) ഓർമ്മിക്കാം.

 ' ടീം തത്ത്വമസി - ജ്യോതിർഗ്ഗമയ '