വില്ലിംഗ്ടണ്: ന്യൂസിലന്ഡില് മാസങ്ങളുടെ ഇടവേളക്ക് ശേഷം വീണ്ടും കേസ് റിപ്പോര്ട്ട് ചെയ്തു. ദക്ഷിണാഫ്രിക്കയില് നിന്ന് തിരിച്ചെത്തിയ 56-കാരിക്കാണ് രോഗം സ്ഥിരീകരിച്ചത്. ഇവരുമായി അടുത്ത സമ്ബര്ക്കം പുലര്ത്തിയവരുടെ എല്ലാം പരിശോധനാ ഫലം നെഗറ്റീവാണ്.
ഡിസംബര് 30ന് ന്യൂസിലന്ഡില് തിരിച്ചെത്തിയ ഇവരില് വൈറസിന്റെ ദക്ഷിണാഫ്രിക്കന് വകഭേദമാണ് കണ്ടെത്തിയത്. രണ്ടാഴ്ചത്തെ ക്വാറന്റൈനില് കഴിയവേ ആദ്യം രണ്ടു വട്ടം പരിശോധന നടത്തിയെങ്കിലും നെഗറ്റീവായിരുന്നു ഫലം. ഇവരുടെ ഭര്ത്താവ് അടക്കം 15 പേരാണ് അടുത്ത സമ്പര്ക്കം പുലര്ത്തിയതെന്ന് കോവിഡ്-19 റെസ്പോണ്സ് മന്ത്രി ക്രിസ് ഹിപ്കിന്സ് പറഞ്ഞു.