വയലിൽ പുല്ല് മുറിക്കുന്നതിനിടെ 55-കാരിയെ വനത്തിലേക്ക് വലിച്ചിഴച്ച് കൂട്ടബലാത്സംഗം ചെയ്തു, പ്രതികള്‍ക്കായി തിരച്ചില്‍

നോയിഡ: ഗ്രേറ്റർ നോയിഡയിലെ ജേവാർ പോലീസ് സ്റ്റേഷന്റെ അധീനതയിലുള്ള വനപ്രദേശത്ത് 55 വയസ്സുള്ള ഒരു സ്ത്രീയെ നാല് പേർ തട്ടിക്കൊണ്ടുപോയി കൂട്ടബലാത്സംഗം ചെയ്തു. രാവിലെ 10 മണിയോടെ സ്ത്രീ വയലിൽ പുല്ല് മുറിക്കുന്നതിനിടെയാണ് സംഭവമെന്ന് ഡിസിപി വൃന്ദ ശുക്ല പറഞ്ഞു.

അക്രമികളില്‍ ഒരാള്‍ തന്റെ ഗ്രാമത്തിൽ പ്പെട്ടയാളായതിനാൽ ആ സ്ത്രീക്ക് അറിയാമായിരുന്നു, മറ്റ് മൂന്ന് പ്രതികളുടെ ഐഡന്റിറ്റി പരിശോധിച്ചുവരികയാണ്. സ്ത്രീടെ മൊഴി അനുസരിച്ച് അടുത്തുള്ള വനപ്രദേശത്തേക്ക് വലിച്ചിഴച്ച് പ്രതിയും കൂട്ടാളികളും മാറിമാറി ബലാത്സംഗം ചെയ്തു.

മോചിതയായ ശേഷം സ്ത്രീ ഉടൻ തന്നെ കുടുംബത്തിലേക്ക് ഓടിക്കയറി തന്റെ പീഡനം വിവരിച്ചു. അവർ പോലീസിനെ സമീപിക്കുകയും പരാതി നൽകുകയും ചെയ്തു. സംഭവം റിപ്പോർട്ട് ചെയ്തയുടൻ ഇരയെ മെഡിക്കൽ-പരിശോധനയ്ക്കായി ജില്ലാ ആശുപത്രിയിലേക്ക് അയച്ചു.

ഐപിസിയുടെ പ്രസക്തമായ വകുപ്പുകൾ പ്രകാരം കേസ് രജിസ്റ്റർ ചെയ്യുകയും പ്രതികൾക്കായി തിരച്ചിൽ ആരംഭിക്കുകയും ചെയ്തു. കേസ് അന്വേഷിക്കാനും നാല് പേരെ പിടികൂടാനും ഒരു സംഘം രൂപീകരിച്ചിട്ടുണ്ട്.