നോയിഡ: നോയിഡയിലെ സെക്ടർ-93 ശ്രാമിക് കുഞ്ച് 2ലെ പാർക്കിൽ നിന്ന് തട്ടിക്കൊണ്ടു പോയ ആറുവയസ്സുകാരിയുടെ മൃതദേഹം വീട്ടിൽ നിന്ന് രണ്ട് കിലോമീറ്റർ അകലെയുള്ള ജെയ്പീ മേൽപ്പാലത്തിന് സമീപം ശനിയാഴ്ച കണ്ടെത്തി.
തട്ടിക്കൊണ്ടുപോയ ആൾ കുട്ടിയെ കഴുത്ത് ഞെരിച്ച് കൊലപ്പെടുത്തുകയായിരുന്നു. മൃതദേഹം പോസ്റ്റ്മോർട്ടത്തിന് അയച്ച് പോലീസ് അന്വേഷണം ആരംഭിച്ചു. ഈ തട്ടിക്കൊണ്ടുപോകലിനും കൊലപാതകത്തിനും പിന്നിൽ അടുപ്പമുള്ള ആരോ ആണെന്നാണ് പോലീസ് സംശയിക്കുന്നത്.
നവംബർ 11ന് ഉച്ചയ്ക്ക് 12 മണിയോടെ എസ്കെ പാർക്കിലെ വീടിന് പുറത്ത് കളിച്ചുകൊണ്ടിരിക്കുകയായിരുന്നു ആറ് വയസ്സുള്ള പെൺകുട്ടി. ഇതിനിടെയാണ് സംശയാസ്പദമായ സാഹചര്യത്തിൽ കാണാതായത്. വീട്ടുകാർ പെൺകുട്ടിക്കായി പലയിടത്തും തിരച്ചിൽ നടത്തിയെങ്കിലും ഒരു തുമ്പും ലഭിച്ചില്ല.
ശനിയാഴ്ച രാവിലെയാണ് വീട്ടിൽ നിന്ന് രണ്ട് കിലോമീറ്റർ അകലെയുള്ള ജെയ്പീ മേൽപ്പാലത്തിന് സമീപമുള്ള പാർക്കിൽ പെൺകുട്ടിയുടെ മൃതദേഹം കിടക്കുന്ന നിലയിൽ പോലീസ് കണ്ടെത്തിയത്.
തട്ടിക്കൊണ്ടുപോയ ആൾ പെൺകുട്ടിയെ കഴുത്ത് ഞെരിച്ച് കൊലപ്പെടുത്തി മൃതദേഹം പാർക്കിൽ വലിച്ചെറിഞ്ഞു. കൊലയാളിക്ക് വേണ്ടിയുള്ള തിരച്ചിലിലാണ് പോലീസ്. പ്രതിയെ കണ്ടെത്തുന്നതിനായി പരിസരത്ത് സ്ഥാപിച്ചിട്ടുള്ള സിസിടിവി ക്യാമറകളുടെ ദൃശ്യങ്ങൾ പരിശോധിച്ചുവരികയാണ്.