നഷ്ടപരിഹാരവും ബാധ്യതയും സംബന്ധിച്ച നിബന്ധനകൾ ആവശ്യപ്പെട്ട്‌ യുഎസ് വാക്സിൻ നിർമ്മാതാക്കൾ; അവരെ നേരിടാനുള്ള ഇന്ത്യയുടെ വിമുഖത വാക്സിൻ പ്രവേശനം മന്ദഗതിയിലാക്കുന്നുവെന്ന്‌ ഡോ എൻ കെ അറോറ; ഡിസംബറോടെ യോഗ്യതയുള്ള എല്ലാ മുതിർന്നവർക്കും വാക്സിനേഷൻ നൽകാനുള്ള രാജ്യത്തിന്റെ പദ്ധതി വിദേശ വാക്സിനുകളെ ആശ്രയിച്ചല്ലെന്നും വെളിപ്പെടുത്തല്‍

ഡല്‍ഹി: യുഎസ് ആസ്ഥാനമായുള്ള എല്ലാ വാക്സിൻ നിർമ്മാതാക്കളും നഷ്ടപരിഹാരവും ബാധ്യതയും സംബന്ധിച്ച നിബന്ധനകൾ നിർബന്ധമാക്കുന്നുവെന്നും അവരെ നേരിടാനുള്ള ഇന്ത്യയുടെ വിമുഖത വിപണിയിലെ വാക്സിൻ പ്രവേശനം മന്ദഗതിയിലാക്കുന്നുവെന്നും സർക്കാരിന്റെ വാക്സിൻ പാനൽ തലവൻ എൻ കെ അറോറ എൻഡിടിവിയോട് പറഞ്ഞു.

എന്നിരുന്നാലും, ഡിസംബറോടെ യോഗ്യതയുള്ള എല്ലാ മുതിർന്നവർക്കും വാക്സിനേഷൻ നൽകാനുള്ള രാജ്യത്തിന്റെ പദ്ധതി വിദേശ വാക്സിനുകളെ ആശ്രയിച്ചല്ലെന്ന്‌ അദ്ദേഹം വെളിപ്പെടുത്തി.

100 അല്ലെങ്കിൽ 200 ദശലക്ഷം ഡോസുകൾ പോലെ വാക്സിൻ നിർമ്മാതാക്കൾ വലിയ അളവിൽ വാക്സിനുകൾ നൽകാൻ തയ്യാറായിരുന്നെങ്കിൽ നഷ്ടപരിഹാരത്തിനുള്ള സർക്കാർ നിലപാട് പുന: പരിശോധിക്കുമായിരുന്നുവെന്ന് അദ്ദേഹം സൂചിപ്പിച്ചു.

ഫൈസർ, 70 ദശലക്ഷം ഡോസുകൾ മാത്രമേ വാഗ്ദാനം ചെയ്തിട്ടുള്ളൂ - ഡിസംബറോടെ ഇന്ത്യയ്ക്ക് ആവശ്യമായ 135 കോടി ഡോസുകളുടെ ഒരു ചെറിയ ഭാഗം മാത്രമാണ് ഇത്‌. മോഡേണ  7.5 ദശലക്ഷം ഡോസുകൾ മാത്രമാണ് വാഗ്ദാനം ചെയ്തത്‌, "ദക്ഷിണ ഡൽഹിയിൽ പോലും ഇത് പര്യാപ്തമല്ല".

എന്തെങ്കിലും പ്രതികൂല സാഹചര്യമുണ്ടായാൽ വാക്സിൻ നിർമ്മാതാവിനെതിരെ കേസെടുക്കാനാകില്ല എന്നാണ് നഷ്ടപരിഹാരവും ബാധ്യതയും സംബന്ധിച്ച നിബന്ധനകൾ നിർബന്ധമാക്കുന്നത് അർത്ഥമാക്കുന്നത്.

ഇന്ത്യ സ്ഥാപനങ്ങളുമായി ചർച്ച നടത്തിവരികയാണ്. ഫൈസർ  ജനുവരി മുതൽ ചർച്ചകൾ നടത്തിയിട്ടും പേപ്പർ വർക്ക് സമർപ്പിച്ചിട്ടില്ല. ജോൺസണും& ജോൺസണും പത്രികകൾ സമർപ്പിക്കുകയും തുടർന്ന് പിൻവലിക്കുകയും ചെയ്തു, അദ്ദേഹം കൂട്ടിച്ചേർത്തു.