പാറ്റ്ന: ദേശീയ പൗരത്വ രജിസ്റ്ററിനെ (എന്ആര്സി) തിരേ പ്രമേയം പാസാക്കി എന്ഡിഎ സഖ്യം ഭരിക്കുന്ന ബിഹാര് നിയമസഭ. എന്ആര്സി സംസ്ഥാനത്ത് നടപ്പിലാക്കില്ലെന്നു വ്യക്തമാക്കുന്ന പ്രമേയം ഐകകണ്ഠ്യേനയാണ് ബിഹാര് നിയമസഭ പാസാക്കിയതെന്ന് സ്പീക്കര് വിജയ് കുമാര് ചൗധരി അറിയിച്ചു.
2010-ലെ രീതിയില് ദേശീയ ജനസംഖ്യ രജിസ്റ്റര് (എന്പിആര്) നടപ്പിലാക്കുമെന്ന പ്രമേയവും സഭ പാസാക്കി. കേന്ദ്ര ആഭ്യന്തര മന്ത്രായലത്തിന്റെ പുതിയ എന്പിആര് ഫോമില്നിന്ന് ട്രാന്സ്ജെന്ഡറുകളെ സംബന്ധിച്ച ചോദ്യം മാത്രം ഉള്പ്പെടുത്തും. എന്പിആര് ഫോമുകളില്നിന്ന് വിവാദ ചോദ്യങ്ങള് ഒഴിവാക്കാന് അനുമതി തേടി കേന്ദ്ര സര്ക്കാരിന് കത്തെഴുതിയെന്നും ബിഹാറിന് എന്ആര്സി (ദേശീയ പൗരത്വ രജിസ്റ്റര്) ആവശ്യമില്ലെന്നും മുഖ്യമന്ത്രി നിതീഷ് കുമാര് പറഞ്ഞു.