നഴ്സുമാർക്ക് സുപ്രീം കോടതി നിർദേശ പ്രകാരമുള്ള ശമ്പള പരിഷ്കരണം രാജസ്ഥാനിലും നടപ്പിലാക്കണം യു എൻ എ

ന്യൂഡല്‍ഹി: രാജസ്ഥാനിൽ സ്വകാര്യ ആശുപത്രികളിൽ നഴ്സുമാർക്ക് സുപ്രീം കോടതി നിർദേശ പ്രകാരമുള്ള ശമ്പള പരിഷ്കരണം നടപ്പിലാക്കണമെന്നാവശ്യപ്പെട്ട് യു എൻ എ രാജസ്ഥാൻ മുഖ്യമന്ത്രി അശോക് ഗെലോട്ടിന് നിവേദനം നൽകി.

രാജസ്ഥാനിലെ ജയ്‌പ്പൂരിൽ വച്ചു നടക്കുന്ന ദേശീയ മഹിളാ ഫെഡറേഷന്‍റെ

ഇരുപത്തിയൊന്നാം കോൺഗ്രസ് സമ്മേളനത്തിൽ വച്ചാണ് യു.എൻ.എ. പ്രതിനിധികൾ സ്വകാര്യ ആശുപത്രികളിൽ നഴ്സുമാർ അനുഭവിക്കുന്ന യാതനകളും , വളരെ തുച്ഛമായ വേതനം മൂലം നേരിടേണ്ടി വരുന്ന പ്രയാസങ്ങളും മുഖ്യമന്ത്രിയെ ധരിപ്പിച്ചത്.

നഴ്സുമാർക്ക് സുപ്രീം കോടതി നിർദേശ പ്രകാരമുള്ള ശമ്പള പരിഷ്കരണം സംസ്ഥാനത്തു നടപ്പിലാക്കുന്ന കാര്യം അനുഭാവ പൂർവം പരിഗണിക്കാമെന്ന് അശോക് ഗെലോട്ട് യു. എൻ .എ. പ്രതിനിധികൾക്ക് ഉറപ്പ് നൽകി.

ദേശീയ മഹിളാ ഫെഡറേഷൻ ജനറൽ സെക്രട്ടറി ആനി രാജയോടൊപ്പം യു. എൻ. എ . ഡൽഹി സംസ്ഥാന ജോയിന്റ് സെക്രട്ടറി കൃഷ്ണ , വിശ്വരാജ് സിങ് , സംസ്ഥാന സെക്രട്ടറിയേറ്റ് അംഗം സിതോഷ് എന്നിവരാണ് രാജസ്ഥാൻ മുഖ്യമന്ത്രിയുമായി കൂടിക്കാഴ്ച്ച നടത്തിയത്.