ഒഐസിസി ഇറ്റലി റോമിന്‍റെ കീഴിൽ സിസിലിയ യൂണിറ്റിന് പുതിയ സാരഥികള്‍. ജോസ് കിഴക്കേപ്പുറത്ത്‌ പ്രസിഡന്‍റ്, ഉണ്ണി കളപ്പാട്ട് ചാലക്കുടി സെക്രെട്ടറി

ഇറ്റലി : ഇറ്റലിയുടെ ഏറ്റവും വലിയ സംഘടനയായ ഒ ഐ സി സി ഇറ്റലിയുടെ യുണിറ്റ് സിസിലിയ ബാഴ്‌സലോണയിൽ തുടക്കം കുറിച്ചു. ഇന്നലെ (4 -11 -2018) രാവിലെ 11 മണിക്ക്  ജോസ് കിഴക്കേപ്പുറത്ത്‌ ചക്കാമ്പുഴയുടെ വസതിയിൽ കൂടിയ യോഗത്തിൽ ഏതാണ്ട് അൻപതോളം ആളുകൾ പങ്കെടുക്കുകയുണ്ടായി.

കഴിഞ്ഞ മാസം കെ പി സി സി പ്രചാരണനകമ്മറ്റി ചെയർമാൻ  കെ മുരളീധരൻ റോമിൽ എത്തിയപ്പോൾ ഒ ഐ സി സി ഇറ്റലിക്ക് കൂടുതൽ യൂണിറ്റുകളും മെമ്പറുമാരും ആവശ്യമാണെന്ന്  ജോമോൻ കുഴിക്കാട്ടിൽ നയിക്കുന്ന ഒ ഐ സി സി ഭാരവാഹികളെ അറിയിക്കുകയും കൂടുതൽ കരുത്തോടെ കോൺഗ്രെസ് തിരികെ വരേണ്ടത് ഇന്ത്യയിലെ ജനങ്ങളുടെ ആവശ്യമാണെന്നും ചൂണ്ടിക്കാണിച്ചിരുന്നു .

ഇതേ തുടർന്ന്  ജോമോൻറെയും കമ്മറ്റിക്കാരുടെയും പരിശ്രമഫലമായി തുടങ്ങിയ ആദ്യഒ ഐ സി സി ഇറ്റലി യൂണിറ്റാണ് ഇന്നലെ സിസിലിയയിൽ തുടക്കം കുറിച്ചത്. പ്രസ്തുത യോഗത്തിൽ  ജോസ് കിഴക്കേപ്പുറത്ത്‌ സിസിലിയ യുണിറ്റ് പ്രസിഡന്റായും, ഉണ്ണി കളപ്പാട്ട് ചാലക്കുടിയെ സെക്രട്ടറിയായും,  റ്റിമ്മി ചാക്കോ ഏറ്റുമാനൂരിനെ ഖജാൻജിയായും തിരഞ്ഞെടുത്തു. ബൈജു റാഫേൽ നെരേപറമ്പിൽ തൃശൂർ, സന്ധ്യ തോട്ടുങ്കൽ എറണാകുളം, ജോബി തയ്യിൽ എറണാകുളം, സേവ്യർ അറയ്ക്കൽ എറണാകുളം, അരുൺ കുന്നുമ്മേൽ എറണാകുളം എന്നിവരെ കമ്മറ്റി അംഗങ്ങളായും തിരഞ്ഞെടുത്തു.