ചെങ്ങന്നൂർ : ചെങ്ങന്നൂരില് വൃദ്ധദമ്പതികളെ വെട്ടേറ്റ് മരിച്ച നിലയില് കണ്ടെത്തി . വെൺമണി കൊഴുവല്ലൂർ പാറച്ചന്ത ആഞ്ഞിലിമൂട്ടിൽ എ. പി. ചെറിയാൻ (75) , ഭാര്യ ലില്ലി (68) എന്നിവരാണ് കൊല്ലപ്പെട്ടത് . ചെറിയാൻ പുറത്തെ സ്റ്റോർ മുറിയിലും ഭാര്യ ലില്ലി അടുക്കളയ്ക്കു സമീപവും വെട്ടേറ്റു മരിച്ച നിലയിലാണ് കാണപ്പെട്ടത്.
ഇവരുടെ മക്കൾ വിദേശത്താണ്. സംഭവത്തിൽ ഇതര സംസ്ഥാന തൊഴിലാളികളെ പൊലീസ് സംശയിക്കുന്നു. സ്ഥലത്തേക്കു പൊലീസ് ആരെയും പ്രവേശിപ്പിക്കുന്നില്ല. അന്വേഷണം പുരോഗമിക്കുന്നു.