സ്വകാര്യ ഭാഗങ്ങളിലടക്കം കത്തി ഉപയോഗിച്ച് ആഴത്തില്‍ മുറിവ്‌; കോലഞ്ചേരിയില്‍ ഓര്‍മ കുറവും മാനസിക അസ്വാസ്ഥ്യവുമുള്ള 75കാരിക്ക് ക്രൂരപീഡനം

കൊച്ചി: കോലഞ്ചേരിയില്‍ ഓര്‍മ കുറവും മാനസിക അസ്വാസ്ഥ്യവുമുള്ള 75കാരിക്ക് ക്രൂരപീഡനം. വീട്ടില്‍ മറ്റാരുമില്ലാതിരുന്ന സമയത്താണ് സംഭവം. സ്വകാര്യ ഭാഗങ്ങളിലടക്കം കത്തി ഉപയോഗിച്ച് ആഴത്തില്‍ മുറിവേല്‍പ്പിച്ചിട്ടുണ്ട്.

ശരീരത്തില്‍ പലയിടത്തായി മുറിവേറ്റിട്ടുള്ള ഇവരെ ശസ്ത്രക്രിയയ്ക്ക് വിധേയമാക്കി. അപകടനില തരണം ചെയ്തതായി ആശുപത്രി അധികൃതര്‍ പറഞ്ഞു.  ബന്ധുക്കള്‍ നല്‍കിയ പരാതിയില്‍ കേസെടുത്ത് അന്വേഷണം ആരംഭിച്ചതായി കോലഞ്ചേരി പൊലീസ് പറഞ്ഞു.