തിരുവനന്തപുരം: സംസ്ഥാനത്ത് തുടര്ച്ചയായ രണ്ടാം അധ്യയന വര്ഷത്തിനും വീടുകളില് തന്നെ തുടങ്ങി. ഓണ്ലൈന്/ഡിജിറ്റല് സംവിധാനങ്ങളില് ആണ് പഠനാരംഭം തുടങ്ങിയത്. സ്കൂളുകള്ക്കു പുറമെ കോളജുകളും ഓണ്ലൈനായി തുറന്നു.
രാവിലെ വെര്ച്വല് പ്രവേശനോത്സവത്തിലൂടെയാണ് നവാഗതരെ സ്വാഗതം ചെയ്തത്. സംസ്ഥാനതല ഉദ്ഘാടനം തിരുവനന്തപുരം കോട്ടണ്ഹില് സ്കൂളില് രാവിലെ 8.30ന് മുഖ്യമന്ത്രി പിണറായി വിജയന് നിര്വഹിച്ചു. എട്ട് വിദ്യാര്ഥികളും ഏതാനും അധ്യാപകരും ഉള്പ്പെടെ 30 പേര് മാത്രമാണ് പങ്കെടുത്തത്. വിക്ടേഴ്സിലൂടെ രാവിലെ എട്ടു മുതല് പരിപാടികള് ആരംഭിച്ചു.
അതിജീവനത്തിന്റെ പാഠത്തുടർച്ചയുമായി പൊതുവിദ്യാലയങ്ങളിലെ ഡിജിറ്റൽ ക്ലാസുകൾ വീണ്ടും ഉണരുകയാണ്. 45 ലക്ഷത്തോളം കുട്ടികൾ വീടുകളിൽ ഇരുന്ന് പ്രവേശനോത്സവത്തിൽ പങ്കാളികളാകുന്നു. എല്ലാ കുഞ്ഞുങ്ങൾക്കും അധ്യാപകർക്കും ആശംസകൾ. മുഖ്യമന്ത്രി ആശംസിച്ചു.
പത്തരക്ക് അംഗന്വാടി കുട്ടികള്ക്കുള്ള പുതിയ 'കിളിക്കൊഞ്ചല്' ക്ലാസുകള് ആരംഭിക്കും. ചലച്ചിത്രതാരങ്ങളായ മമ്മൂട്ടി, മോഹന്ലാല്, പൃഥ്വിരാജ്, മഞ്ജുവാര്യര് തുടങ്ങിയവര് വിക്ടേഴ്സിലൂടെ ആശംസകള് നേരും. ഡോ. മുരളി തുമ്മാരുകുടി, മജീഷ്യന് ഗോപിനാഥ് മുതുകാട്, യൂനിസെഫ് സോഷ്യല് പോളിസി അഡ്വൈസര് ഡോ. പീയൂഷ് ആന്റണി തുടങ്ങിയവര് കുട്ടികളുമായി സംവദിക്കും.