ന്യൂഡൽഹി∙ എന് ഡി എ വീണ്ടും അധികാരത്തിലെത്തുമെന്ന എക്സിറ്റ് പോള് പ്രവചനങ്ങള് പുറത്തുവന്ന പിന്നാലെ ഒത്തുകൂടി ഒന്നാകാന് തീരുമാനിച്ചിരുന്ന പ്രതിപക്ഷ പാര്ട്ടികള് പലവഴിക്കായി . 23 നു സോണിയാഗാന്ധി വിളിച്ചിരുന്ന പ്രതിപക്ഷ നേതാക്കളുടെ യോഗം മാറ്റി വച്ചു.
ബിഎസ്പി അധ്യക്ഷ മായാവതിയുടെ ഡല്ഹി യാത്ര റദ്ദാക്കി. യുപിഎ അധ്യക്ഷ സോണിയ ഗാന്ധിയുമായി മായാവതി ഇപ്പോള് ചര്ച്ച നടത്തില്ലെന്നു ബിഎസ്പി വ്യക്തമാക്കി. മായാവതി ബിജെപിയുമായി ചേരാനുള്ള സാധ്യത പോലും തള്ളിക്കളയാനാകില്ല .
മായാവതിക്ക് പിന്നാലെ ശരത് പവാറും സ്വന്തം നിലയ്ക്ക് ചില നീക്കങ്ങളുമായി രംഗത്തെത്തി . ഇരുപക്ഷത്തുമല്ലാതെ നില്ക്കുന്നവരെ ഒപ്പം നിര്ത്താനാണ് ശരദ് പവാറിന്റെ ശ്രമം .
അധികാരത്തിലേറുന്ന പാര്ട്ടിക്കൊപ്പം ഡിഎംകെ ഉണ്ടാകുമോയെന്ന ചോദ്യത്തിനു 23 വരെ കാത്തിരിക്കാനാണു സ്റ്റാലിന്റെ മറുപടി. ഡിഎംകെയുമായി ബിജെപി ചര്ച്ചകള് നടത്തുവെന്നു റിപ്പോര്ട്ടുകളുണ്ട്.
അതിനിടെ , എന്ഡിഎ നേതാക്കളുടെയും കേന്ദ്രമന്ത്രിമാരുടെയും യോഗം നാളെ ചേരും. എന്ഡിഎ നേതാക്കള്ക്കു ബിജെപി ദേശീയ അധ്യക്ഷന് അമിത് ഷാ നാളെ അത്താഴ വിരുന്ന് നല്കും. എക്സിറ്റ് പോള് പ്രവചനങ്ങളുടെ ആത്മ വിശ്വാസത്തിലാണ് ബിജെപി. രണ്ടാം മോദി സര്ക്കാരിനുള്ള നീക്കവും തുടങ്ങി.