ബംഗളൂരു : കര്ണാടകയിലെ വിമത എം.എല്.എമാരുടെ രാജിക്കാര്യത്തില് സ്പീക്കര്ക്ക് തീരുമാനമെടുക്കാമെന്ന സുപ്രീം കോടതി ഉത്തരവില് പ്രതികരണവുമായി സംസ്ഥാന കോണ്ഗ്രസ്. ഓപ്പറേഷന് താമര പൊളിഞ്ഞെന്നും സത്യം ജയിച്ചുവെന്നും കര്ണാടക കോണ്ഗ്രസ് ട്വീറ്റ് ചെയ്തു.
സ്പീക്കറുടെ അധികാര പരിധിയില് കോടതിക്ക് ഇടപെടാനാകില്ലെന്നും അനുയോജ്യമായ സമയത്തിനുള്ളില് സ്പീക്കര്ക്ക് തീരുമാനമെടുക്കാമെന്നുമായിരുന്നു സുപ്രീംകോടതി ഇന്ന് വ്യക്തമാക്കിയത്.