നടൻ ശ്രീനിവാസന്‍ പഠിക്കുന്ന കാലത്ത് എ.ബി.വി.പി പ്രവര്‍ത്തകനായിരുന്നു;  പില്‍കാലത്ത് ഇടതുപക്ഷ രാഷ്ട്രീയവുമായും സഹകരിച്ചിട്ടുണ്ട്; രാഷ്ട്രീയത്തില്‍ ചാഞ്ചാട്ട നിലപാട് സ്വീകരിക്കുന്ന ആളാണ് അദ്ദേഹമെന്ന് പി.ജയരാജന്‍

ട്വന്റി-20 യില്‍ ചേര്‍ന്ന നടന്‍ ശ്രീനിവാസനെ പരിഹസിച്ച് സിപിഎം നേതാവ് പി.ജയരാജന്‍. കൃത്യമായ രാഷ്ട്രീയ നിലപാടുള്ള വ്യക്തിയല്ല ശ്രീനിവസനെന്നും പി ജയരാജന്‍ അഭിപ്രായപ്പെട്ടു.

പഠിക്കുന്ന കാലത്ത് എ.ബി.വി.പി പ്രവര്‍ത്തകനായിരുന്നു നടൻ ശ്രീനിവാസന്‍. പില്‍കാലത്ത് ഇടതുപക്ഷ രാഷ്ട്രീയവുമായും സഹകരിച്ചിട്ടുണ്ട്. രാഷ്ട്രീയത്തില്‍ ചാഞ്ചാട്ട നിലപാട് സ്വീകരിക്കുന്ന ആളാണ് അദ്ദേഹമെന്നും ജയരാജന്‍ പറഞ്ഞു.

ട്വന്റി-20യേയും പി.ജയരാജന്‍ വിമര്‍ശിച്ചു. ട്വന്റി-20യുടെ വികസിത രൂപമാണ് അംബാനിമാരും അദാനിമാരും. ജനങ്ങളെ പ്രലോഭനങ്ങള്‍ക്ക് വിധേയമാക്കുക എന്നതാണ് അവരുടെ കാഴ്ചപ്പാട്. ജനാധിപത്യം പണാധിപത്യമാകാത്ത ജനപക്ഷ വികസനമാണ് വേണ്ടതെന്നും പി ജയരാജന്‍ അഭിപ്രായപ്പെട്ടു.