കര്‍ഷകര്‍ക്കു നല്‍കിയിരുന്ന മോറോട്ടോറിയം നീട്ടണമെന്നതാണ് കൃഷി വകുപ്പിന്‍റെ നിലപാടെന്ന് മന്ത്രി പി.പ്രസാദ്

തിരുവനന്തപുരം; കര്‍ഷകര്‍ക്കു നല്‍കിയിരുന്ന മോറോട്ടോറിയം നീട്ടണമെന്നതാണ് കൃഷി വകുപ്പിന്‍റെ നിലപാടെന്നു മന്ത്രി പി.പ്രസാദ്. ഇക്കാര്യം ചൂണ്ടികാട്ടി ഫയല്‍ സര്‍ക്കാരിനു കൈമാറിയിട്ടുണ്ട്.

ബാങ്കേഴ്സ് സമിതി യോഗത്തിലും ഇക്കാര്യം നേരിട്ടെത്തി ആവശ്യപ്പെട്ടിട്ടുണ്ടെന്നും അനുകൂല പ്രതികരണം ഉണ്ടാകുമെന്നാണ് പ്രതീക്ഷയെന്നും പി.പ്രസാദ് പറഞ്ഞു.

വയനാട്ടിലെ രണ്ടായിരത്തിലേറെ കര്‍ഷകര്‍ക്ക് ബാങ്കുകള്‍ ജപ്തി നോട്ടീസ് അയച്ചെന്ന വാര്‍ത്തയോട് പ്രതികരിക്കുകയായിരുന്നു മന്ത്രി.