20 ബൂത്തുകള്‍ മാത്രം എണ്ണാന്‍ ബാക്കിയുള്ളപ്പോള്‍ മാണി സി കാപ്പന്‍റെ ലീഡ് കുറഞ്ഞു ;  11ാം റൗണ്ട് എണ്ണിക്കഴിഞ്ഞപ്പോള്‍ കാപ്പന്‍റെ ലീഡ് 2247

പാല : 20 ബൂത്തുകള്‍ മാത്രം എണ്ണാന്‍ ബാക്കിയുള്ളപ്പോള്‍ മാണി സി കാപ്പന്‍റെ ലീഡ് കുറഞ്ഞു. 11ാം റൗണ്ട് എണ്ണിക്കഴിഞ്ഞപ്പോള്‍ 2247 ആണ് കാപ്പന്‍റെ ലീഡ്. പത്താം റൗണ്ട് വോട്ടെണ്ണല്‍ പൂര്‍ത്തിയായപ്പോള്‍ 4296 വോട്ടിന്‍റെ ലീഡ് എല്‍ഡിഎഫ് നിലനിര്‍ത്തിയിരുന്നു.

രാമപുരം, കടനാട്, മേലുകാവ്, മുന്നിലാവ്, തലനാട്, തലപ്പലം, ഭരണങ്ങാനം, കരൂര്‍ എന്നിവ എല്‍ഡിഎഫിനൊപ്പം നിന്നപ്പോള്‍ മുത്തോലി യുഡിഎഫിന് ലീഡ് നല്‍കി.

മാണിയുടെ വീടിന് മുന്നിൽ ആഹ്ലാദപ്രകടനം . ആഹ്ളാദ പ്രകടനത്തിനിടെ എല്‍ഡിഎഫ് പ്രവര്‍ത്തകരും യുഡിഎഫ് പ്രവര്‍ത്തകരും തമ്മില്‍ ഉന്തും തള്ളുമുമ്ടായി.

ആകെ വോട്ട്

യുഡിഎഫ്- ജോസ് ടോം- 44411

എല്‍ഡിഎഫ്- മാണി സി കാപ്പന്‍- 47438

എന്‍ഡിഎ-എന്‍ ഹരി- 14994