കോഴിക്കോട്: പാലായില് മാത്രം ഉപതെരഞ്ഞെടുപ്പ് നടത്തുന്നതിനെതിരായ കോടിയേരി ബാലകൃഷ്ണന്റെ പ്രതികരണം സിപിഎമ്മിന്റെ ആത്മവിശ്വാസക്കുറവിനു തെളിവെന്നു ബിജെപി സംസ്ഥാന അധ്യക്ഷന് പി.എസ്.ശ്രീധരന് പിള്ള വ്യക്തമാക്കി.
പാലാ ഉപതെരഞ്ഞെടുപ്പില് ബിജെപി സ്ഥാനാര്ഥിയെ മല്സരിപ്പിക്കണമെന്ന് കോട്ടയം ജില്ലാ കമ്മിറ്റി ആവശ്യപ്പെട്ടിട്ടുണ്ട്. സ്ഥാനാര്ഥി നിര്ണയത്തിനായി രണ്ടു ദിവസത്തിനകം എന്ഡിഎ യോഗം ചേരുമെന്നും ശ്രീധരന്പിള്ള അറിയിച്ചു.
പാലായില് മാത്രമായി ഉപതിരഞ്ഞെടുപ്പ് പ്രഖ്യാപിച്ചത് ദുരുദ്ദേശപരമാണെന്നാണ് സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന് പറഞ്ഞത്. തിരഞ്ഞെടുപ്പുകമ്മിഷന് നടപടിക്കു പിന്നില് ദുഷ്ടലക്ഷ്യങ്ങളുണ്ടെന്നും അദ്ദേഹം വ്യക്തമാക്കി.