വിവാഹം കഴിഞ്ഞത് 10 മാസം മുമ്പ്‌, കക്കോട്‌ ഭർതൃവീട്ടിലെ കിടപ്പുമുറിയിൽ 19 കാരിയെ തൂങ്ങി മരിച്ച നിലയിൽ കണ്ടെത്തി

പാലക്കാട്; മാങ്കുറുശ്ശി കക്കോട്‌ ഭർതൃവീട്ടിലെ കിടപ്പുമുറിയിൽ 19 കാരിയെ തൂങ്ങി മരിച്ച നിലയിൽ കണ്ടെത്തി. അത്താണിപ്പറമ്പിൽ മുജീബിന്റെ ഭാര്യ നഫ്‌ല ആണു മരിച്ചത്.  വ്യാഴാഴ്ച രാത്രി എട്ടരയ്ക്ക് മുജീബ് പുറത്തുപോയി തിരിച്ചെത്തിയപ്പോഴാണ് തൂങ്ങി മരിച്ച നിലയിൽ നഫ് ലയെ കണ്ടെത്തിയത്.

മുജീബ് തിരിച്ചെത്തിയപ്പോൾ കിടപ്പുമുറിയുടെ വാതിൽ അടച്ചിട്ട നിലയിലായിരുന്നു. വിളിച്ചിട്ടും തുറക്കാത്തതിൽ സംശയം തോന്നി വാതിൽ പൊളിച്ചു. മുറിയിൽ തൂങ്ങിയ നിലയിൽ കണ്ട യുവതിയെ ഉടൻ പത്തിരിപ്പാലയിലെ സ്വകാര്യ ആശുപത്രിയിൽ എത്തിച്ചെങ്കിലും രക്ഷിക്കാനായില്ല. പത്ത് മാസം മുൻപാണ് മുജീബും നഫ് ലയും വിവാഹിതരാവുന്നത്.

യുവതിയുടെ മരണത്തിൽ ആരോപണവുമായി സഹോദരൻ രം​ഗത്തെത്തി. ഭർതൃവീട്ടിലെ മാനസിക പീഡനം മൂലമാണ് മരണം എന്നാണ് സഹോദരൻ നഫ്സൽ ആരോപിക്കുന്നത്.