കൊച്ചി: പാലാരിവട്ടം മേല്പ്പാലത്തിന്റെ ഗര്ഡറുകൾ പൊളിച്ചു തുടങ്ങി. പാലം പുനർ നിര്മ്മാണത്തിന്റെ പ്രധാന ഘട്ടമാണിത്. ഗതാഗത തടസ്സമുണ്ടാവാതിരിക്കാൻ വ്യാഴാഴ്ച പുലര്ച്ചെ ഒന്നരയോടെയാണ് ഗര്ഡറുകള് പൊളിച്ചു നീക്കുന്ന ജോലികള് തുടങ്ങിയത്. പാലത്തിന്റെ ഏകദേശം നടുക്ക് ഭാഗത്തായുള്ള ഗര്ഡറാണ് പൊളിച്ചത്.
രണ്ടര മണിക്കൂര് സമയമെടുത്താണ് 35 ടണ് ഭാരമുള്ള ഒരു ഗര്ഡര് മുറിച്ചത്. രണ്ട് തൂണുകള്ക്കിടയില് വിലങ്ങനെ ഇത്തരം 6 ഗര്ഡറുകളുണ്ട്. ആകെ 102 ഗര്ഡറുകളും. ഇവ താഴെയിറക്കിയ ശേഷം ചെറുതായി മുറിച്ച് ഡിഎംആർസിയുടെ മുട്ടം യാര്ഡിലേക്ക് കൊണ്ടുപോകും. പെരുമ്പാവൂര് കേന്ദ്രമായുള്ള പള്ളാശ്ശേരി എര്ത്ത് മൂവിസ് ആണ് മുറിക്കലിന് കരാര് എടുത്തിട്ടുള്ളത്.
പുതിയ ഗര്ഡറുകളുടെ നിര്മാണം മുട്ടം യാര്ഡില് ഉടന് തന്നെ ആരംഭിക്കുമെന്നാണ് വിവരം. എട്ടു മാസം കൊണ്ട് പാലം പണി പൂര്ത്തിയാക്കാന് ലക്ഷ്യമിട്ടാണ് നിര്മാണ പ്രവര്ത്തനങ്ങള് പുരോഗമിക്കുന്നത്.