കൊച്ചി: പാലാരിവട്ടം പാലത്തില് ഭാരപരിശോധന നടത്തണമെന്ന ഹൈക്കോടതി ഉത്തരവിനെതിരേ സംസ്ഥാന സര്ക്കാര് സുപ്രീംകോടതിയെ സമീപിച്ചു. മൂന്നു മാസത്തിനകം പരിശോധന നടത്തണം എന്ന ഹൈക്കോടതി ഉത്തരവ് സ്റ്റേ ചെയ്യണമെന്നാണ് ആവശ്യം.
പാലത്തിന്റെ ബലം പരിശോധിക്കുന്നതുകൊണ്ടു കാര്യമില്ലെന്നാണു സര്ക്കാര് നിലപാട്. പാലത്തില് ഭാരപരിശോധന നടത്തി റിപ്പോര്ട്ട് നല്കാന് കോടതി നിര്ദേശിച്ചു രണ്ടുമാസം കഴിഞ്ഞിട്ടും സര്ക്കാരിന്റെ ഭാഗത്തുനിന്ന് ഒരു നടപടിയുമുണ്ടായിട്ടില്ല. പാലം പൊളിച്ചുപണിയുകയല്ലാതെ വഴിയില്ലെന്ന നിലപാടിലാണു സര്ക്കാര്.
പാലാരിവട്ടം മേല്പ്പാലം പൊളിച്ചു പണിയുംമുന്പു ഭാരപരിശോധന നടത്താനുള്ള വിദഗ്ധ സമിതിയെ കോടതി നിയമിക്കണമെന്നാവശ്യപ്പെടുന്ന ഹര്ജി ഹൈക്കോടതി ബുധനാഴ്ച ഹൈക്കോടതി പരിഗണിക്കാനിരിക്കേയാണ് സര്ക്കാര് സുപ്രീംകോടതിയില് എത്തുന്നത്.