/sathyam/media/post_attachments/DGVkxS3aINpOXOcZnGwK.jpg "publive-image")
ചണ്ഡീഗഢ് : പൊതുസ്ഥലത്ത് പരസ്യമായി മൂത്രമൊഴിച്ച എസ്.ഐ.കുടുങ്ങി. എസ്.ഐയുടെ മൂത്രമൊഴിക്കല്‍ സാമൂഹ്യ മാധ്യമങ്ങളിലും വൈറലായി മാറി. ഒട്ടേറെപ്പേര്‍ ഉല്ലാസത്തിനെത്തിയ പാര്‍ക്കില്‍ മൂത്രമൊഴിച്ച എസ് ഐ ക്കെതിരെ നടപടിയെടുക്കാന്‍ സര്‍ക്കാര്‍ നിര്‍ദേശം നല്‍കി .
ഇതുപ്രകാരം ചണ്ഡീഗഢിലെ മലോയ പോലീസ് സ്‌റ്റേഷനിലെ എസ്.ഐ. ഹര്‍പരംജിത് സിങിനെ എ.എസ്.ഐയായി തരംതാഴ്ത്തി. ഇയാള്‍ക്കെതിരെ കേസെടുത്തതായും പോലീസ് അറിയിച്ചു.
കഴിഞ്ഞദിവസങ്ങളിലാണ് എസ്.ഐ. പരസ്യമായി മൂത്രമൊഴിക്കുന്ന ദൃശ്യങ്ങള്‍ സാമൂഹികമാധ്യമങ്ങളില്‍ പ്രചരിച്ചത്. സെക്ടര്‍ 41-ലെ പാര്‍ക്കില്‍ പട്ടാപ്പകല്‍ യാതൊരു മറയുമില്ലാതെയായിരുന്നു എസ്.ഐ.യുടെ മൂത്രമൊഴിക്കല്‍.
സംഭവസമയത്ത് ഒട്ടേറേപേര്‍ പാര്‍ക്കിലുണ്ടായിരുന്നു. എന്നാല്‍ ഇതൊന്നും കൂസാതെ എസ്.ഐ. ആളുകളുടെ മുന്‍പില്‍നിന്ന് കാര്യം സാധിച്ചു. ഇതിനിടെ ചിലര്‍ എസ്.ഐ. മൂത്രമൊഴിക്കുന്നത് മൊബൈലില്‍ പകര്‍ത്തിയപ്പോഴും അദ്ദേഹം തടഞ്ഞിരുന്നില്ല.
Follow Us/sathyam/media/agency_attachments/5VspLzgrB7PML1PH6Ix6.png)
