കോട്ടയം : പി.സി.ജോർജ് എംഎൽഎ പങ്കെടുത്ത പരിപാടിയിൽ ചീമുട്ടയേറ്. പൂഞ്ഞാർ പെരിങ്ങുളത്ത് ഒരു ചടങ്ങിൽ പങ്കെടുക്കവെയാണ് ചീമുട്ടയേറുണ്ടായത്.
ചടങ്ങ് ആരംഭിച്ചതോടെ, ഭരണകക്ഷിയുമായി വേണ്ടത്ര കൂടിയാലോചനകൾ നടത്താതെ പദ്ധതിയുടെ ഉദ്ഘാടനം നടത്തുന്നു എന്നാരോപിച്ച് ഡിവൈഎഫ്ഐ പ്രവർത്തകർ പ്രതിഷേധവുമായി എത്തിയാതോടെയാണ് പരിപാടി അലങ്കോലമായത് . ഇതിനിടെ ഒരാൾ സ്റ്റേജിലേയ്ക്കു മുട്ടയെറിഞ്ഞു . ജനപക്ഷ വാർഡംഗം അനിൽകുമാറിന്റെ ദേഹത്താണു മുട്ട പതിച്ചത്.
ഇതേതുടർന്ന് തിരക്കിട്ട് ഉദ്ഘാടനം പൂർത്തിയാക്കി പി.സി. ജോർജ് മടങ്ങുകയായിരുന്നു . സംഭവത്തിൽ ഈരാറ്റുപേട്ട പോലീസ് കേസെടുത്തിട്ടുണ്ട്.