ശ്രദ്ധേയമായി ‘പെണ്ണ് കെട്ടണം കണ്ണ് കെട്ടണം…’ പ്രമോ ഗാനം

പെണ്ണ് അന്വേഷണത്തിന്റെയും കല്യാണത്തിന്റെയുമെല്ലാം കഥ പറഞ്ഞെത്തുന്ന പുതിയ ചിത്രമാണ് പെണ്ണന്വേഷണം. സാമൂഹ്യമാധ്യമങ്ങളില്‍ ശ്രദ്ധേയമാവുകയാണ് ചിത്രത്തിലെ ഒരു ഗാനം. ‘പെണ്ണ് കെട്ടണം കണ്ണ് കെട്ടണം…’ എന്നു തുടങ്ങുന്ന ഗാനമാണ് അണിയറ പ്രവര്‍ത്തകര്‍ പുറത്തുവിട്ടിരിക്കുന്നത്. ചിത്രത്തിന്റെ പ്രമോ ഗാനത്തിന്റെ റെക്കോര്‍ഡിങ് വീഡിയോ ആണ് പുറത്തെത്തിയിരിക്കുന്നത്. ഗ്രിഗറി ജേക്കബ്ബാണ് ഈ ഗാനം ആലപിച്ചിരിക്കുന്നത്.

പോസ്റ്റര്‍ ഡിസൈനിംഗിലൂടെ പ്രേക്ഷകശ്രദ്ധ നേടിയ അധിന്‍ ഒള്ളൂര്‍ ആദ്യമായി സംവിധാനം നിര്‍വ്വഹിക്കുന്ന ചിത്രമാണ് പെണ്ണന്വേഷണം. നിരവധി ഷോര്‍ട്ട് ഫിലിമുകള്‍ സംവിധാനം ചെയ്തിട്ടുണ്ടെങ്കിലും ഫീച്ചര്‍ ഫിലിമിന്റെ സംവിധാനത്തിലേക്ക് അധിന്‍ പ്രവേശിക്കുന്നത് ഇത് ആദ്യമാണ്. നേരത്തെ പുറത്തിറങ്ങിയ ചിത്രത്തിന്റെ ഫസ്റ്റ് ലുക്ക് പോസ്റ്ററും ഏറെ ശ്രദ്ധ നേടിയിരുന്നു.

https://www.youtube.com/watch?time_continue=108&v=zt8aj0cRXYU

9090 പ്രൊഡക്ഷന്‍സിന്റെ ബാനറില്‍ സൈനുല്‍ ആബിദാണ് ചിത്രത്തിന്റെ നിര്‍മ്മാണം. അധിന്‍ ഒള്ളൂര്‍ തന്നെയാണ് ചിത്രത്തിന്റെ തിരക്കഥയും ഒരുക്കിയിരിക്കുന്നത്. കോഴിക്കോട് പശ്ചാത്തലമാക്കിയാണ് ചിത്രമൊരുക്കുന്നത്. പെണ്ണ് അന്വേഷിച്ചു നടക്കുന്ന ഒരു ചെറുപ്പക്കാരന്റെ കഥയാണ് ചിത്രത്തിന്റെ മുഖ്യ പ്രമേയം.

പുതുമുഖങ്ങളടക്കം നിരവധി താരനിരകള്‍ ചിത്രത്തില്‍ അണിനിരക്കുന്നുണ്ടെന്നാണ് പുറത്തുവരുന്ന റിപ്പോര്‍ട്ടുകള്‍. സജാദ് കാക്കു ആണ് ചിത്രത്തിന്റെ ഛായാഗ്രഹണം നിര്‍വ്വഹിക്കുന്നത്. എറിക് ജോണ്‍സണ്‍ ആണ് സംഗീത സംവിധാനം. ദിനു മോഹന്‍, സൈക്കു വിശ്വരാജ് എന്നിവരുടെതാണ് വരികള്‍.