തിരുവനന്തപുരം: പേരൂർക്കട എസ്എപി ക്യാമ്പിൽ കൊവിഡ് വ്യാപിക്കുന്നു. 15 ട്രെയിനികള്ക്ക് ഇന്ന് കൊവിഡ് സ്ഥിരീകരിച്ചു. എസ്എപി ക്യാമ്പില് ഇതുവരെ കൊവിഡ് ബാധിച്ചത് 26 പേർക്കാണ്. അതേസമയം സംസ്ഥാനത്ത് ഇന്ന് 8253 പേര്ക്കാണ് രോഗം സ്ഥിരീകരിച്ചത്.
എറണാകുളം 1170, തൃശ്ശൂര് 1086, തിരുവനന്തപുരം 909, കോഴിക്കോട് 770, കൊല്ലം 737, മലപ്പുറം 719, ആലപ്പുഴ 706, കോട്ടയം 458, പാലക്കാട് 457, കണ്ണൂര് 430, പത്തനംതിട്ട 331, ഇടുക്കി 201, കാസര്ഗോഡ് 200, വയനാട് 79 എന്നിങ്ങനെയാണ് ജില്ലകളില് ഇന്ന് രോഗ ബാധ സ്ഥിരീകരിച്ചത്.
25 മരണങ്ങളാണ് ഇന്ന് കൊവിഡ് മൂലമാണെന്ന് സ്ഥിരീകരിച്ചത്. ഇന്ന് രോഗം സ്ഥിരീകരിച്ചവരില് 163 പേര് സംസ്ഥാനത്തിന് പുറത്ത് നിന്നും വന്നവരാണ്. 7084 പേര്ക്ക് സമ്പര്ക്കത്തിലൂടെയാണ് രോഗം ബാധിച്ചത്. 939 പേരുടെ സമ്പര്ക്ക ഉറവിടം വ്യക്തമല്ല. എറണാകുളം 894, തൃശൂര് 1070, തിരുവനന്തപുരം 751, കോഴിക്കോട് 738, കൊല്ലം 730, മലപ്പുറം 688, ആലപ്പുഴ 693, കോട്ടയം 391, പാലക്കാട് 179, കണ്ണൂര് 326, പത്തനംതിട്ട 278, ഇടുക്കി 87, കാസര്ഗോഡ് 186, വയനാട് 73 എന്നിങ്ങനേയാണ് സമ്പര്ക്കത്തിലൂടെ രോഗം ബാധിച്ചത്.