ഇന്ധനവില ഇന്നും കൂടി; തിരുവനന്തപുരത്ത് പെട്രോൾ വില 95ലേക്ക്

തിരുവനന്തപുരം: രാജ്യത്ത് ഇന്ധനവില ഇന്നും കൂട്ടി. പെട്രോളിന് 27 പൈസയും, ഡീസലിന് 30 പൈസയുമാണ് കൂട്ടിയത്. തിരുവനന്തപുരത്ത് ഒരു ലിറ്റർ പെട്രോളിന് 94 രൂപ 83 പൈസയും, ഡീസലിന് 89 രൂപ 77 പൈസയുമാണ് ഇന്നത്തെ വില.

എറണാകുളത്ത് 92 രൂപ 78 പൈസയാണ് പെട്രോള്‍ വില. ആലപ്പുഴയില്‍ 93.24 രൂപയും കോഴിക്കോട് 93.17 രൂപയുമാണ് ഇന്നത്തെ പെട്രോള്‍ വില. എറണാകുളത്തെ ഡീസല്‍ വില 87 രൂപ 78 പൈസയാണ്. ആലപുഴയില്‍ 88.23 രൂപയും കോഴിക്കോട് 88.19 രൂപയുമാണ് ഇന്നത്തെ ഡീസല്‍ വില.

മെയ് ഏഴ് മുതൽ ഒന്നിടവിട്ട ദിവസങ്ങളിലായി ഏഴ് തവണയാണ് ഇന്ധന വിലയിൽ വർദ്ധനവുണ്ടായിരിക്കുന്നത്. 1 രൂപ 83 പൈസയാണ് ഇതിനിടയിൽ പെട്രോളിന് കൂടിയത്. ഡീസലിന് 2രൂപ 20 പൈസ വർദ്ധിച്ചു.