തിരുവനന്തപുരം: നഴ്സുമാരുടെ സേവനങ്ങളെ അനുസ്മരിച്ചു കൊണ്ടാണ് ലോകാരോഗ്യ ദിനമായ ചൊവ്വാഴ്ച മുഖ്യമന്ത്രി വാര്ത്താസമ്മേളനം ആരംഭിച്ചതു . നിപ ബാധിച്ച് മരിച്ച നഴ്സ് ലിനിയെയും മുഖ്യമന്ത്രി അനുസ്മരിച്ചു.
കേരളത്തിനു പുറത്തു മലയാളി നഴ്സുമാര് അനുഭവിക്കുന്ന പ്രശ്നങ്ങള് ആശങ്കപ്പെടുത്തുന്നതാണ്. എന്നിരുന്നാലും, കോട്ടയത്തു കോവിഡ് ബാധിച്ച് രോഗമുക്തി നേടിയ രേഷ്മ മോഹന്ദാസിന്റെ സേവനം മികച്ചതാണ്. ഇനിയും കോവിഡ് രോഗികളെ പരിചരിക്കാന് തയാറാണെന്ന രേഷ്മയുടെ വാക്കുകള് കേരളം കേട്ടതാണ്. നഴ്സുമാര് നല്കുന്ന കരുതലിന്റെ തെളിവാണിതെന്നും മുഖ്യമന്ത്രി പ്രതികരിച്ചു.
ഇതു തിരിച്ചുനല്കാന് നമ്മള് ബാധ്യസ്ഥരാണ്. അതിനാലാണ് ഡല്ഹിയിലെയും മുംബൈയിലെയും നഴ്സുമാരുടെ വിഷയത്തില് ആശങ്കയുള്ളത്. അവരുടെ സുരക്ഷ ഉറപ്പാക്കാന് പ്രധാനമന്ത്രിയോട് ആവശ്യപ്പെട്ടകാര്യവും അദ്ദേഹം വാര്ത്താസമ്മേളനത്തില് പറഞ്ഞു.