കോഴിക്കോട്: ഷഹീന് ബാഗ് മാതൃകയില് കോഴിക്കോട് നടക്കുന്ന പൗരത്വ ഭേദഗതി വിരുദ്ധ സമരത്തിനെതിരായ ബിജെപി സംസ്ഥാന അധ്യക്ഷന് കെ. സുരേന്ദ്രന്റെ വിമര്ശനങ്ങള്ക്ക് മറുപടിയുമായി യൂത്ത് ലീഗ് സംസ്ഥാന അധ്യക്ഷന് പി.കെ.ഫിറോസ്.
സുരേന്ദ്രന് പറയുന്നതിന് അനുസരിച്ച് സമരം നടത്തേണ്ട ഗതികേട് യൂത്ത് ലീഗിനില്ല. നിയമം അനുസരിച്ചാണ് സമരം നടത്തുന്നതെന്ന് ഫിറോസ് പറഞ്ഞു.
ബിജെപി അല്ല യൂത്ത് ലീഗാണ് സമരം നടത്തുന്നതെന്നും വേണമെങ്കില് നിയമം ലംഘിക്കുമെന്നും പറഞ്ഞ ഫിറോസ് സുരേന്ദ്രന് ഇരിക്കുന്നത് ഏറ്റവും വലിയ തീവ്രവാദ സംഘടനയുടെ തലപ്പത്താണെന്നും കൂട്ടിച്ചേര്ത്തു.
നേരത്തെ, കോഴിക്കോട്ട് തീവ്രവാദികളാണ് സമരം ചെയ്യുന്നതെന്ന് പറഞ്ഞ സുരേന്ദ്രന്, അവിടെ പന്തല് കെട്ടാനോ സമരം നടത്താനോ കോര്പ്പറേഷന് അനുമതി നല്കിയിട്ടില്ലെന്നും കുറ്റപ്പെടുത്തിയിരുന്നു.