Advertisment

കവിത "നേര്‍ കാഴ്ച്ചകള്‍" മഞ്ജുള ശിവദാസ്.

author-image
admin
New Update

publive-image

Advertisment

ഹൃത്തടമാലിന്ന്യമൊന്നു മറയ്ക്കുവാൻ-

കൃത്രിമച്ചിരിയാൽ മുഖം വിടർത്തി.

അന്തരം ശുദ്ധമെന്നന്യരെ ബോധ്യപ്പെടുത്തും-

വിധത്തിൽ പ്രകടനങ്ങൾ.

മൊഴിയഴകിലലിയിച്ചൊഴുക്കുന്ന കരുണയിൽ-

നാമൊന്നു തെറ്റിദ്ധരിച്ചുപോകാം.

നന്മകൾക്കാലയമാകും മനസ്സുള്ള-

സദ്ഗുണസമ്പന്നരാകുമെന്ന്.

വാക്കിൽ കിനിഞ്ഞിറങ്ങീടുന്ന സ്നേഹത്തിൻ-

മായമറിയാത്ത നമ്മിലപ്പോൾ-

ഭാവിതൻ ഭാഗ്യത്തെയോർത്തുകൊണ്ടെന്നപോൽ-

സന്തോഷപ്പെയ്ത്തു തുടങ്ങിയേക്കാം.

കരുണമണക്കുന്ന വാക്കിലൊളിച്ചു-

വച്ചസ്ത്രങ്ങളേറ്റു മുറിപ്പെടുമ്പോൾ,

നമ്മിൽ പ്രതീക്ഷയായ് പെയ്തിടും-

സന്തോഷവർഷവും വൈകാതെ തോർന്നുപോകാം...

Advertisment