"ഇവിടെ തളംകെട്ടി-
ക്കിടക്കും രക്തംപോലെ
മരവിച്ചുറങ്ങിയ
മനസ്സാണേതമ്മയ്ക്കും....
ഒടുവില്,ഓരോ കൊല-
ക്കത്തിയും മുറിപ്പതീ
വടുവീണതാം മാതൃ-
ഹൃദയ ഞരമ്പല്ലോ
മരിക്കാന്,കൊല്ലാന് തമ്മിലി-
ലിങ്ങനെ രക്തംവാര്ന്നു
കിടന്നീ മണ്ണില് പാപ-
സങ്കടം വിളയിക്കാന്
എന്തിനു ജന്മം നല്കീ-
ടുന്നു നാം മറ്റുള്ളോര് തന്
പന്തയമൃഗങ്ങളായ്
മാറുന്ന തരുണര്ക്ക്....?
മതിയാവതെപ്പോഴും
ചോര, ചോര,-യെന്നാര്ത്തു
കൊതിപൂണ്ടധികാര
മൂര്ത്തികള് കോടിചൂടി
വരി നില്ക്കുന്നൂ ചുറ്റും
ബലിയാകുവാന് മാടി
വിളിച്ചീടുന്നു നാടിന്
യൌവ്വനങ്ങളെ വീണ്ടും.....
അരുതേ, നാന് പെറ്റൊരു
മകനേ, കിടാവേ,-യാ
ചതിതന് നിണത്തറ
തീണ്ടുവാന് നീ പോകല്ലേ..."
കൃഷ്ണപ്രഭ