തിരുവനന്തപുരം: പോലീസ് അസോസിയേഷന് ഏര്പ്പെടുത്തിയ നിയന്ത്രണം പിന്വലിച്ചു. പോലീസ് ചട്ടത്തില് ഭേദഗതി വരുത്തിയാണ് നിയന്ത്രണങ്ങള് പിന്വലിച്ചത്. ഡിജിപിയുടെ എതിര്പ്പ് മറികടന്നാണ് സര്ക്കാര് നടപടി. ഇനിമുതല് സംഘടനാ പ്രവര്ത്തനത്തിന് ഡിജിപിയുടെ അനുമതി ആവശ്യമില്ല.
പോലീസ് അസോസിയേഷന് പ്രവര്ത്തനങ്ങളില് നിയന്ത്രണങ്ങള് ഏര്പ്പെടുത്തി 2020-ലെ കേരളാ പോലീസ് ചട്ടമാണ് ഭേദഗതി ചെയ്തത്. അസോസിയേഷനുകളിലെ രാഷ്ട്രീയങ്ങള്ക്കും നിര്ബന്ധിത പണപ്പിരിവുകള്ക്കും വര്ഷങ്ങളായി ഭാരവാഹിത്വത്തില് തുടരുന്നവര്ക്കും കനത്ത തിരിച്ചടിയുണ്ടാക്കുന്നതായിരുന്നു ചട്ടം. അസോസിയേഷന് ഭാരവാഹികള് സംസ്ഥാന പോലീസ് മേധാവിയുടെ മുന്കൂര് അനുമതിയില്ലാതെ പത്ര, ദൃശ്യ മാധ്യമങ്ങളുമായി ആശയവിനിമയം നടത്താനോ സാമൂഹികമാധ്യമങ്ങളില് ഏതെങ്കിലും വിവരം പ്രസിദ്ധപ്പെടുത്താനോ പാടില്ലെന്നായിരുന്നു ചട്ടം.
രണ്ടുവര്ഷത്തില് കൂടുതല് തുടര്ച്ചയായി ഒരു അംഗം ജില്ലാതലത്തിലോ സംസ്ഥാനതലത്തിലോ അസോസിയേഷന് ഭാരവാഹിത്വം വഹിക്കരുതെന്നും ചട്ടം വ്യവസ്ഥചെയ്തിരുന്നു. അസോസിയേഷനുകള് സേനാംഗങ്ങളില്നിന്ന് നിര്ബന്ധിത പണപ്പിരിവ് നടത്തരുതെന്നും സ്വകാര്യവ്യക്തികളില്നിന്നോ സ്ഥാപനങ്ങളില്നിന്നോ സാമ്ബത്തിക ആനുകൂല്യങ്ങള് സ്വീകരിക്കരുതെന്നും വ്യക്തമാക്കിയിരുന്നു. ഒരുദിവസത്തില് കൂടുതലുള്ള അസോസിയേഷന് സമ്മേളനങ്ങള്ക്കും വിലക്കുണ്ടായിരുന്നു. ഈ ചട്ടമാണ് ഭേദഗതി ചെയ്ത്.