കോന്നി: വകയാര് കേന്ദ്രമാക്കിയുള്ള പോപ്പുലര് ഫിനാന്സുമായി ബന്ധപ്പെട്ട സാമ്പത്തിക തട്ടിപ്പു കേസിലെ ഉടമ തോമസ് ഡാനിയേലിന്റെ രണ്ട് മക്കള് ഡല്ഹിയില് പിടിയില്. വിദേശത്തേയ്ക്ക് കടക്കാന് ശ്രമിക്കുന്നതിനിടെയാണ് പിടിയിലായത്.
റിനു മറിയം തോമസ്, റിയ ആന് തോമസ് എന്നിവരാണ് പിടിയിലായത്. ഡല്ഹി വിമാനത്താവളത്തില്വച്ചാണ് പിടിയിലായത്. ഇവരെ അന്വേഷണ സംഘത്തിന് കൈമാറും. ഇവര്ക്കെതിരെ ലുക്ക്ഔട്ട് നോട്ടീസ് പുറപ്പെടുവിച്ചിരുന്നു.
അതേസമയം അന്വേഷണത്തിന്റെ ഭാഗമായി വിവിധ ബാങ്കുകളില് സ്ഥാപനത്തിന്റെ പേരിലുണ്ടായിരുന്ന അക്കൗണ്ടുകള് പോലീസ് അന്വേഷണസംഘം മരവിപ്പിച്ചു. 2000 കോടി രൂപയുടെ നിക്ഷേപം വിവിധ ബാങ്കുകളിലുള്ളതായി പോലീസിനു പ്രാഥമിക വിവരം ലഭിച്ചിരുന്നു. നിലവിലുള്ള അക്കൗണ്ടുകള് മരവിപ്പിക്കണമെന്നാവശ്യപ്പെട്ട് ബാങ്ക് മാനേജര്മാര്ക്ക് കത്തു നല്കി.