ന്യൂഡൽഹി: ആർഎസ്എസ് പരിപാടിയിൽ പങ്കെടുക്കാൻ മുൻ രാഷ്ട്രപതി പ്രണാബ് മുഖർജി നാഗ്പൂരിലെത്തി. വിമാനത്താവളത്തിൽ ആർഎസ്എസ് പ്രവർത്തകർ പ്രണാബിനെ സ്വീകരിച്ചു. ആർഎസ്എസ് ആസ്ഥാനത്ത് നടക്കുന്ന വാർഷിക പരിശീലന ക്യാമ്പിന്റെ സമാപന സമ്മേളനത്തിന്റെ മുഖ്യാതിഥിയായാണു പ്രണാബ് നാഗ്പൂരിൽ എത്തിയിരിക്കുന്നത്. വ്യാഴാഴ്ചയാണ് പരിപാടി.
മുതിർന്ന കോണ്ഗ്രസ് നേതാവുകൂടിയായ പ്രണാബ് മുഖർജി ആർഎസ്എസ് പരിപാടിയിൽ പങ്കെടുക്കരുതെന്നു ചൂണ്ടിക്കാട്ടി കേരളത്തിലെ പ്രതിപക്ഷ നേതാവ് രമേശ് ചെന്നിത്തല അടക്കമുള്ളവർ കത്തയച്ചിരുന്നു. എന്നാൽ പരിപാടിയിൽ പങ്കെടുക്കുമെന്നായിരുന്നു പ്രണാബിന്റെ നിലപാട്. ഇതുമായി ബന്ധപ്പെട്ട് എന്തു പ റയാനുണ്ടെങ്കിലും അത് നാഗ്പൂരിൽ പറയുമെന്നും അദ്ദേഹം പറഞ്ഞിരുന്നു.