കോണ്‍ഗ്രസിന്റെ അഞ്ചാമത് സ്ഥാനാര്‍ത്ഥി പട്ടിക പുറത്തിറക്കി...ആന്ധ്രപ്രദേശ്, അസം, ഒഡീഷ, തെലങ്കാന, യുപി, പശ്ചിമബംഗാള്‍ തുടങ്ങിയ സംസ്ഥാനങ്ങളിലെ 56 സ്ഥാനാര്‍ത്ഥികളെ പ്രഖ്യാപിച്ചു

ദില്ലി: കോൺഗ്രസിന്റെ അഞ്ചാമത് സ്ഥാനാർത്ഥി പട്ടിക ഇന്നലെ അർദ്ധരാത്രി പുറത്തിറക്കി. ആന്ധ്രപ്രദേശ്, അസം, ഒഡീഷ, തെലങ്കാന, യുപി, പശ്ചിമബംഗാൾ , തുടങ്ങിയ സംസ്ഥാനങ്ങളിലെ 56 സ്ഥാനാർത്ഥികളെയാണ് പ്രഖ്യാപിച്ചത്. ലക്ഷദ്വീപിൽ മുൻ എംപി ഹമദുള്ള സയീദ് മത്സരിക്കും.

പശ്ചിമ ബംഗാളിൽ സിപിഎമ്മുമായുള്ള സഹകരണം അവസാനിപ്പിക്കാൻ കോൺഗ്രസ് ഹൈക്കമാന്‍റും തീരുമാനിച്ചു. സിപിഎം സിറ്റിംഗ് സീറ്റുകളായ റായ്ഗഞ്ചിലും മുർഷിദാബാദിലും കോൺഗ്രസ് സ്ഥാനാർത്ഥികളെ പ്രഖ്യാപിച്ചു.റായ്ഗഞ്ചിൽ ദീപാദാസ് മുൻഷിയും മുർഷിദാബാദിൽ അബു ഹേനയും സ്ഥാനാർത്ഥികളാകും.