New Update
ടൊറോന്റോ: ടൊറോന്റോ സോഷ്യൽ ക്ലബ്ബിന്റെ ആഭിമുഖ്യത്തിൽ നടത്തിയ പ്രഥമ അന്തർദേശിയ വടം വലി മത്സരത്തിൽ താമ്പാ ടസ്കേഴ്സ് ചാമ്പ്യൻമാരായി. പതിനൊന്നോളം ദേശീയ ,അന്തർദേശിയ ടീമുകൾ പങ്കെടുത്ത വാശിയേറിയ മൽസരത്തിൽ രണ്ടാം സ്ഥാനം കോട്ടയം ബ്രദർസ് കാനഡയും ,മൂന്നാം സ്ഥാനം കാനേഡിയൻ ലയൺസും , നാലാം സ്ഥാനം ടീം ഗ്ലാഡിയേറ്റേഴ്സും കരസ്ഥമാക്കി.
മെഗാ സ്പോൺസർ മനോജ് കരാത്ത ഉത്ഘാടനം ചെയ്ത മത്സരത്തിൽ ബ്രാംപ്ടൺ മേയർ പാട്രിക് ബ്രൗൺ മുഖ്യതിഥി ആയിരുന്നു. മറ്റു സ്പോൺസർമാരായ സ്റ്റീഫൻ കിഴക്കേക്കുറ്റ് ,ബിജു കിഴക്കെപുറം ,ജോസ് പാലാകുന്നേൽ ,ബോബൻ ട്രിനിറ്റി ഓട്ടോസ് ,സിറിയക് കൂവക്കാട്ടിൽ ,തോമസ്കുട്ടി കുപ്പേനനിക്കൽ , ബാബു ബോൾഗാട്ടി ഫർണീച്ചര് , തങ്കച്ചൻ കരുവേലിൽ എന്നിവർ മത്സരത്തിൽ സന്നിഹിതരായിരുന്നു.
ക്ലബ് പ്രസിഡന്റ് സിനു മുളയാനിക്കൽ ,മറ്റു ഭാരവാഹികളായ മോൻസി തോമസ്, ഷെല്ലി ജോയ് ,റിജോ മങ്ങാട്ട് ,സിബിൾ സ്റ്റീഫൻ ,ഷിബു എബ്രഹാം ,വരുൺ രാജൻ എന്നിവർ മത്സരങ്ങൾക്ക് നേതൃത്വം നൽകി.