തിരുവനന്തപുരം: നിയുക്ത കെ.പി.സി.സി പ്രസിഡന്റ് മുല്ലപ്പള്ളി രാമചന്ദ്രനെ ഓ. ഐ. സി.സി. ഓസ്ട്രേലിയാ ഇന്ദിരാ ഭവനിൽ വച്ച് ഹാരമണിയിച്ചു. പുതിയതായി ചാർജെടുത്ത ചടങ്ങിൽ ഓ. ഐ. സി.സി. ഓസ്ട്രേലിയാ പ്രസിഡന്റ് ഹൈനസ് ബിനോയി കെ.പി.സി.സി.പ്രസിഡന്റിനെ ഷാളണിയിച്ചു.
ഇന്ദിരാഭവനിൽ കോൺഗസ്സ് പ്രവർത്തകരുടെയും അനുഭാവികളുടെയും പ്രവാഹമായിരുന്നു. ഓ.ഐ.സി.സി. ഓസ്ട്രേലിയായുടെ എല്ലാവിധ പ്രവർത്തനങ്ങൾക്കും കെ.പി.സി.സി.യുടെ സജീവ പിന്തുണയുണ്ടാകുമെന്ന് മുല്ലപ്പള്ളി ഓ. ഐ. സി.സി. ഓസ്ട്രേലിയായെ അറിയിച്ചു.
കോൺഗ്രസിനെ ശക്തിപ്പെടുത്തുന്ന സമീപനവുമായി മുമ്പോട്ടു പോകണമെന്നും കെ.പി.സി.സി. പ്രസിഡന്റ് പറഞ്ഞു. ഓ ഐ.സി.സി.പ്രസിഡന്റിനെ കൂടാതെ യൂത്ത് കോൺഗ്രസ് സംസ്ഥാന അധ്യക്ഷൻ അഡ്വ. ഡീൻ കുര്യാക്കോസ്, യൂത്ത് കോൺഗ്രസ് നേതാക്കളായ രാജേഷ് ബാബു, സി.ആർ. പ്രശാന്ത് എന്നിവർ സ്വീകരണ ചടങ്ങിൽ പങ്കെടുത്തിരുന്നു.