ഒ ഐ സി സി മീറ്റ് ഇറ്റലി 2018 രണ്ടാമത് പൊതുസമ്മേളനം കെ മുരളീധരൻ എം എൽ എ ഉത്ഘാടനം ചെയ്തു

ഇറ്റലി:  ഇറ്റലിയിലെ ഏറ്റവും വലിയ സംഘടനയായ ഒ ഐ സി സി ഇറ്റലിയുടെ രണ്ടാമത് മീറ്റ് ഇറ്റലി 2018 പൊതുസമ്മേളനം ഒ ഐ സി സി ഇറ്റലിയുടെ കേരളത്തിൻറെ ചുമതലയും, തിരുവനന്തപുരം ഡി സി സി ജനറൽ സെക്രട്ടറി ബെർബി ഫെർണാണ്ടസ്, ഒ ഐ സി സി ഇറ്റലിയുടെ പ്രസിഡണ്ട്  ജോമോൻ കുഴിക്കാട്ടിൽ, ഒ ഐ സി സി സെക്രട്ടറി അനില ബി, വൈസ് പ്രിസിഡണ്ട് ജോയി മലേപ്പറമ്പിൽ, വൈസ് പ്രസിഡണ്ട് ബീന ജോസ്, ട്രെഷറർ ജോബിൻ കൂട്ടുങ്കൽ, ജോയിൻ സെക്രട്ടറിമാരായ ജോസഫ് വലിയപറമ്പിൽ, സിബി ചെറിയാൻ,വിശിഷ്ട അഥിതികളായ പ്രവാസി മലയാളി ഫെഡറേഷൻ കോ-ഓർഡിനേറ്റർ അനിത പുല്ലയിൽ, അലിക് പ്രസിഡണ്ട് രാജു കള്ളിക്കാടൻ, മനോരമ ഓൺലൈൻ റിപ്പോർട്ടർ ജോബിൻ, ഗാനരചിയിതാവും സത്യം ഓൺലൈൻ ചീഫ് റിപോർട്ടറുമായ അജിമോൻ മൂർത്തിക്കൽ, ഒ ഐ സി സി ഇറ്റലിയുടെ കമ്മറ്റി അംഗങ്ങളെയും, പൊതുജനങ്ങളെയും സാക്ഷിയാക്കി മുൻ കെ പി സി സി പ്രസിഡണ്ടും, ഇപ്പോഴത്തെ പ്രചാരണ കമ്മറ്റി ചെയർമാനും, എം എൽ എയുമായ കെ മുരളീധരൻ വിളക്ക് തെളിച്ചു ഉൽഘാടനം ചെയ്തു.

കെ പി സി സിയുടെ ഔദ്യോഗിക സംഘടനയായ ഒ ഐ സി സി ഇറ്റലിയെ വളരെ പ്രശംസിച്ചും, പാർട്ടിയെ കൂടുതൽ ശക്തിപ്പെടുത്തുവാൻ ഒ ഐ സി സി ഇറ്റലിയുടെ പ്രവർത്തന ശൈലിയെ പുകഴ്ത്തിയും കെ മുരളീധരൻ സംസാരിച്ചു. പ്രവാസികൾക്ക് വോട്ടിംഗ് സമ്പ്രദായം കൊണ്ടുവരുമെന്നും പ്രവാസികൾ കേരളത്തിൻറെ നെടുംതൂണാണെന്നും, പ്രവാസികൾ ഇല്ലങ്കിൽ ഇന്ത്യ ഒന്നുമില്ലെന്നും കൂട്ടിച്ചേർത്തു. ഇപ്പോഴത്തെ ഭരണത്തിൻറെ പോരായ്മകളെയും ചൂണ്ടിക്കാണിക്കുകയുണ്ടായി.

ഒ ഐ സി സി ഇറ്റലിയുടെ പ്രവർത്തനത്തെ പ്രശംസിച്ചും ഇനിയും കൂടുതൽ കരുത്തോടെ പ്രവർത്തിക്കുവാൻ വേണ്ട എല്ലാ സഹായസഹകരണങ്ങൾ ചൂണ്ടിക്കാട്ടി മീറ്റ് ഇറ്റലി 2018 പൊതുയോഗത്തിന് ആശംസകൾ അർപ്പിച്ചുകൊണ്ടുള്ള കെ പി സി സി പ്രസിഡണ്ട് മുല്ലപ്പള്ളി രാമചന്ദ്രൻറെ കത്ത് ഒ ഐ സി സി ഇറ്റലിയുടെ സെക്രട്ടറി അനില ബി പൊതുജനങ്ങളെ വായിച്ചറിയിക്കുകയുണ്ടായി. മുൻ മുഖ്യമന്ത്രി  ഉമ്മൻചാണ്ടിയുടെ ആശംസ ബിന്ദു റെജിയും, പ്രതിപക്ഷ നേതാവ്  രമേഷ് ചെന്നിത്തലയുടെ ആശംസ ബീന ജോസ്, ശശി തരൂരിൻറെ ആശംസ അഞ്ചു ആരോഗ്യവും വായിക്കുകയുണ്ടായി.

ഇറ്റലിയിൽ പേപ്പർ ഇല്ലാതെ നിൽക്കുന്ന ഇന്ത്യക്കാർക്ക് അവരുടെ പാസ്പോർട്ട് പുതുക്കികൊടുക്കണമെന്ന ആവശ്യവുമായി ഒ ഐ സി സി ഇറ്റലി അംഗങ്ങൾ ശശി തരൂർ മുഖാന്തരം സുഷമ സ്വരാജിനെ സമീപിക്കുകയും, അതിൻറെ മറുപടിയായി അതിന് വേണ്ട നടപടികൾ ഉടൻ സ്വീകരിക്കുവാൻ എംബസ്സിയുമായി ബന്ധപ്പെടുകയും ചെയ്യുന്നതായുള്ള സുഷമ സ്വരാജിൻറെ ഔദ്യോഗിക കത്ത് കെ മുരളീധരൻറെ കൈവശം കൊടുത്തയയ്ക്കുകയും ചെയ്തിട്ടുള്ള കത്ത് പൊതുയോഗത്തിൽ ഒ ഐ സി സി ജോയിൻ സെക്രട്ടറി ജോസഫ് വലിയപറമ്പിൽ വായിക്കുകയുണ്ടായി.

മീറ്റ് ഇറ്റലി 2018 പൊതുയോഗത്തിൽ ഇശ്വരപ്രാർത്ഥനയ്ക്കു ശേഷം ജോയിൻ സെക്രട്ടറി സിബി ചെറിയാൻ സ്വാഗതപ്രസംഗം നടത്തുകയും ഒ ഐ സി സി പ്രസിഡണ്ട്  ജോമോൻ തോമസ് കുഴിക്കാട്ടിൽ അദ്ധ്യക്ഷ പ്രസംഗം നടത്തുകയും,  ബെർബി ഫെർണാണ്ടസ്, അജിമോൻ മൂർത്തിക്കൽ എന്നിവർ ആശംസപ്രസംഗം അർപ്പിക്കുകയും ചെയ്തു.

തുടർന്ന് ഒ ഐ സി സി ഇറ്റലിയുടെ സ്നേഹോപകാരം കെ മുരളീധരൻ, ബെർബി ഫെർണാണ്ടസ്, സത്യം ഓൺലൈൻ ചീഫ് റിപ്പോർട്ടർ അജിമോൻ മൂർത്തിക്കൽ എന്നിവർക്ക് നൽകുകയും ചെയ്തു. പൊതുയോഗം മോടിപിടിപ്പിക്കുന്നതിനായി 3 കുട്ടികൾ മനോഹരമായ നൃത്തം കാഴ്ചവയ്ക്കുകയുണ്ടായി.

ആ കുട്ടികളെ കെ മുരളീധരൻ പൊന്നാട ആണിയിക്കുകയും, യോഗത്തിൽ പങ്കെടുത്ത ഓരോരുത്തർക്കുമായി ട്രെഷറർ ജോബിൻ കൂട്ടുങ്കൽ നന്ദിപറയുകയും ചെയ്തു. തുടർന്ന് സ്‌നേഹവിരുന്നോടെ മീറ്റ് ഇറ്റലി 2018 പൊതുയോഗത്തിന് ഏതാണ്ട് 4 മണിയോടെ തിരശീല വീണു.