ഇറ്റലി: കെ പി സി സി മുന് അധ്യക്ഷനും പ്രചരണ സമിതി ചെയര്മാനുമായ കെ മുരളീധരന് പോപ് ഫ്രാന്സിസ് മാര്പ്പാപ്പയെ സന്ദര്ശിക്കും. ബുധനാഴ്ച രാവിലെ 11 മണിക്കാണ് വത്തിക്കാനിലെ പോപ്പിന്റെ ചത്വരത്തില് കൂടിക്കാഴ്ചയ്ക്ക് അനുമതി നല്കിയിരിക്കുന്നത്.
അന്നേദിവസം രാവിലെ 10 മണിക്ക് ചത്വരത്തില് നടക്കുന്ന വിശുദ്ധ കുര്ബ്ബാനയിലും കെ മുരളീധരന് സംബന്ധിക്കും. കുര്ബ്ബാനയ്ക്ക് ശേഷമായിരിക്കും സന്ദര്ശനം. ഒരാഴ്ചത്തെ ഇറ്റലി സന്ദര്ശനത്തിനായി ഇവിടെയെത്തിയ കെ മുരളീധരന് മാര്പ്പാപ്പയെ കാണാന് ആഗ്രഹം പ്രകടിപ്പിക്കുകയായിരുന്നു.
ഇറ്റലിയിലും ഓസ്ട്രിയയിലും നടക്കുന്ന ഓ ഐ സി സി സമ്മേളനങ്ങളില് പങ്കെടുക്കാനാണ് മുരളീധരന് എത്തിയിരിക്കുന്നത്.