കുവൈറ്റില്‍ സ്വദേശിവാസ മേഖലകളില്‍ പ്രവാസി കുടുംബങ്ങള്‍ താമസിക്കുന്നത് വിലക്കാന്‍ നിയമഭേദഗതി വരുന്നു

കുവൈറ്റ്:  കുവൈറ്റില്‍ സ്വദേശികള്‍ തിങ്ങിപ്പാര്‍ക്കുന്ന മേഖലകളില്‍ നിന്ന് പ്രത്യേക വിഭാഗങ്ങളില്‍ ഉള്‍പ്പെടുന്നവര്‍ ഒഴികെയുള്ള പ്രവാസി കുടുംബങ്ങള്‍ താമസിക്കുന്നത് നിരോധിച്ചുകൊണ്ട് നിയമ ഭേദഗതി വരുന്നു.

കുറഞ്ഞ വരുമാനക്കാരായ വിദേശികളെ ഉദ്ദേശിച്ചുള്ളതാണ് ഈ ഭേദഗതി എങ്കിലും സ്വദേശി വനിതകളെ വിവാഹം ചെയ്ത പ്രവാസികളുടെ കുടുംബങ്ങള്‍, നയതന്ത്ര ഉദ്യോഗസ്ഥരുടെ കുടുംബങ്ങള്‍ എന്നിവര്‍ക്ക് മാത്രമായിരിക്കും പുതിയ ഭേദഗതി പ്രകാരം സ്വദേശി വാസകേന്ദ്രങ്ങളില്‍ താമസിക്കാന്‍ അനുമതി ലഭിക്കുക.

കുറഞ്ഞ വരുമാനക്കാരായ ഒന്നിലേറെ വിദേശി കുടുംബങ്ങള്‍ ഷെയറിംഗ് അടിസ്ഥാനത്തില്‍ താമസിക്കുന്നത് വഴി അടിസ്ഥാന സൌകര്യങ്ങളില്‍ കുറവുണ്ടാകുന്നു എന്ന വിലയിരുത്തലിന്റെ അടിസ്ഥാനത്തിലാണ് നടപടി.

ഒറ്റയ്ക്ക് താമസിക്കുന്ന പ്രവാസികളെ സ്വദേശി വാസ കേന്ദ്രങ്ങളില്‍ നിന്നും ഒഴിപ്പിക്കാന്‍ നേരത്തെ തീരുമാനമായിരുന്നു.  ആ പ്രക്രിയ നടന്നുവരികയാണ്.