കുവൈറ്റ്: അനധികൃത കടത്തിനിടെ കുവൈറ്റ് കസ്റ്റംസ് വകുപ്പ് പിടിച്ചെടുത്തതും ഏറ്റെടുക്കാൻ ആളില്ലാതെ കെട്ടിക്കിടക്കുന്നതുമായ വസ്തുക്കളുടെ
ലേലം നടത്തുന്നു. സുലൈബിയയിൽ സിക്സ്ത് റിങ് റോഡിനരികെ കസ്റ്റംസ് വകുപ്പിന്റെ ട്രഷറി മോണിറ്ററിങ് ഒാഫിസിലാണ് ലേലം നടക്കുന്നത്.
അടുത്ത ബുധനാഴ്ചയാണ് ലേലം നിശ്ചയിച്ചിട്ടുള്ളത്. 1774 കാർട്ടൂൺ വിവിധ തരം സിഗരറ്റുകൾ വിവിധ ഉൽപന്നങ്ങൾ അടങ്ങിയ 509 പാർസലുകൾ, ഇലക്ട്രോണിക് ഉപകരണങ്ങൾ അടങ്ങിയ വേറെ ഏഴ് പാർസലുകൾ എന്നിവയാണ് ലേലം ചെയ്യുന്നത്.
20 അടി വലിപ്പമുള്ള കണ്ടെയ്നർ ഉൾപ്പെടെ ലേലത്തിന് വെക്കുന്നുണ്ട്. ഒരു കണ്ടെയ്നറിൽ കളിക്കോപ്പുകളും മറ്റൊന്നിൽ ഉപ്പും വേറൊന്നിൽ ഗ്രാനൈറ്റും നാലാമത്തേതിൽ വാഹനങ്ങളും ആണ്.