കുവൈറ്റ്: രണ്ടാമത് കുവൈറ്റ് ഇൻവെസ്റ്റ്മെൻറ് ഫോറത്തിന് പ്രൗഡോജ്ജ്വല തുടക്കം. ബയാൻ പാലസിലെ അൽ താഹിർ ഹാളിൽ നടന്ന ഉദ്ഘാടന പരിപാടിയിൽ അമീർ ശൈഖ് സബാഹ് അൽ അഹ്മദ് അൽ ജാബിർ അസ്സബാഹ് മുഖ്യതിഥിയായി. അമീറിെൻറ രക്ഷാകർതൃത്വത്തിലാണ് രണ്ടുദിവസത്തെ പരിപാടി.
വാണിജ്യമന്ത്രി ഖാലിദ് അൽ റൗദാൻ, കുവൈത്ത് ഡയറക്ട് ഇൻവെസ്റ്റ്മെൻറ് പബ്ലിക് അതോറിറ്റി മേധാവി ശൈഖ് ഡോ. മിശ്അൽ ജാബിർ അൽ അഹ്മദ് അസ്സബാഹ്, കിരീടാവകാശി ശൈഖ് നവഫ് അൽ അഹ്മദ് അൽ ജാബിർ അസ്സബാഹ്, സ്പീക്കർ മർസൂഖ് അൽ ഗാനിം, പ്രധാനമന്ത്രി ശൈഖ് ജാബിർ മുബാറക് അസ്സബാഹ് തുടങ്ങിയവർ സംബന്ധിച്ചു.
രണ്ടുവർഷം മുമ്പാണ് പ്രഥമ കുവൈത്ത് ഇൻവെസ്റ്റ്മെൻറ് ഫോറം സംഘടിപ്പിച്ചത്. കുവൈത്ത് ഡയറക്ടർ ഇൻവെസ്റ്റ്മെൻറ് പ്രമോഷൻ അതോറിറ്റിയും ചേംബർ ഒാഫ് കോമേഴ്സും ചേർന്നാണ് പരിപാടി നടത്തുന്നത്.