വെൽഫെയർ കേരള കുവൈറ്റ് മലപ്പുറം ജില്ലാ കമ്മിറ്റി നിലവിൽ വന്നു

ഫർവാനിയ:  വെൽഫെയർ കേരള കുവൈത്ത് മലപ്പുറം ജില്ലാ കമ്മിറ്റി രൂപീകരിച്ചു. ഫർവാനിയ ഐഡിയൽ ഓഡിറ്റോറിയത്തിൽ നടന്ന ജില്ലാ ജനറൽ ബോഡി യോഗത്തിൽ വെൽഫെയർ കേരള കുവൈത്ത് പ്രസിഡണ്ട് ഖലീൽ റഹ്മാൻ അധ്യക്ഷത വഹിച്ചു.

സെക്രട്ടറിമാരായ ഗിരീഷ് വയനാട് , അഷ്കർ എന്നിവർ തിരഞ്ഞെടുപ്പ് നിയന്ത്രിച്ചു. കഴിഞ്ഞ ദിവസം അന്തരിച്ച വെൽഫെയർ പാർട്ടി മലപ്പുറം ജില്ലാ സെക്രട്ടറി സ്വാബിർ അൻസാരിയുടെ നിര്യാണത്തിൽ യോഗം അനുശോചിച്ചു.

കേന്ദ്ര വൈസ് പ്രസിഡണ്ട് അൻവർ സഈദ്, സക്കീർ ഹുസൈൻ തുവ്വൂർ എന്നിവർ സാബിർ അൻസാരിയെ അനുസ്മരിച്ചു. യോഗത്തിൽ അസിസ്റ്റൻറ് ട്രഷറർ അൻവർ സാദത്ത് സ്വാഗതം പറഞ്ഞു.

പരിപാടിയിൽ നീണ്ട 3 വർഷത്തിന് ശേഷം കരിപ്പൂർ വിമാനത്താവളത്തിൽ വലിയ വിമാനങ്ങളിറങ്ങിയതിൽ ആഹ്ളാദം പ്രകടിപ്പിച്ചും കരിപ്പൂർ വിഷയത്തിൽ നിരന്തര സമരപ്പോരാട്ടങ്ങൾ നടത്തിയ വെൽഫെയർ പാർട്ടിക്ക് അഭിവാദ്യങ്ങളർപ്പിച്ചും മധുര വിതരണം നടന്നു

മലപ്പുറം ജില്ലാ ഭാരവാഹികൾ: റഫീഖ് ബാബു പൊൻമുണ്ടം (പ്രസിഡണ്ട്), മുഹമ്മദ് നൈസാം (ജന. സെക്രട്ടറി), അഷ്റഫ് പൊന്നാനി (ട്രെഷറർ), അബൂബക്കർ ആക്കോട് (വൈസ് പ്രസിഡണ്ട്), നബീല നജ്മുദ്ദീൻ (ജോയിന്റ് സെക്രട്ടറി), അൻവർ ഷാജി (അസിസ്റ്റൻറ് ട്രഷറർ). തോമസ് പി.സി , അബ്ദുൾ റസാഖ് എൻ.പി , അൻവർ സഈദ് , ബുഷൈന റഫീഖ്, ഫെമിന അഷ്റഫ്, നബീല നജ്മുദ്ധീൻ, ഉസാമ അബ്ദുറസാഖ്. സാദിയ നൈസാം, ഷൗക്കത്ത് വളാഞ്ചേരി, ഷുക്കൂർ വണ്ടൂർ എന്നിവരാണ് മറ്റു ജില്ലാ കമ്മിറ്റി അംഗങ്ങൾ .