അബുദാബി മാർത്തോമാ യുവജന സഖ്യം 2019-'20 വർഷത്തെ പ്രവർത്തനോദ്ഘാടനം അബുദാബി മാർത്തോമാ ഇടവക വികാരി റവ ബാബു പി കുലത്താക്കൽ നിർവഹിച്ചു. റവ ബിജു സി പി , ഇടവക സെക്രട്ടറി സുജിത് മാത്യു, സിബി വർഗ്ഗീസ്, സിൽസി റേച്ചൽ, കെ വി ജോസഫ്, തുടങ്ങിയവർ പ്രസംഗിച്ചു.
ഓഗസ്റ്റ് തീയതികളിൽ നടക്കുന്ന ഗൾഫ് മാർത്തോമാ യൂത്ത് കോൺഫെറെൻസിന്റെ ഔദ്യോഗിക ബ്രോഷർ, രജിസ്ട്രേഷൻ കൗണ്ടർ എന്നിവയുടെ ഉദ്ഘടനവും യോഗത്തിൽ വെച്ച് നടത്തപ്പെട്ടു.
മാർത്തോമാ സഭയുടെ മികച്ച യുവജന സഖ്യമായി കഴിഞ്ഞ 8 വർഷമായി തിരഞ്ഞെടുക്കപ്പെടുന്ന യുവജന സഖ്യമാണ് അബുദാബി മാർത്തോമാ യുവജന സഖ്യം ഞങ്ങൾ ക്രിസ്തുവിന്റെ സൗരഭ്യവാസന ( WE, THE AROMA OF CHRIST ) എന്ന ചിന്താവിഷയത്തെ ആസ്പദമാക്കി വിവിധ പ്രോഗ്രാമുകൾ ആണ് ഇ വർഷം നടത്തപ്പെടുന്നത്.
ജി സി സി ( GCC ) രാജ്യങ്ങളിലെ വിവിധ മാർത്തോമാ ദേവാലയങ്ങളിൽ നിന്നായി എത്തുന്ന ആയിരത്തോളം യുവജന സഖ്യം അംഗങ്ങൾക്കായി ഓഗസ്റ്റ് 10, 11, 12 തീയതികളിൽ നടക്കുന്ന ഗൾഫ് മാർത്തോമാ യൂത്ത് കോൺഫെറെൻസിനു ഇ വർഷം അബുദാബി മാർത്തോമാ യുവജന സഖ്യം ആദിദേയത്വം വഹിക്കും.
ഇത് കൂടാതെ വിവിധ വിഷയങ്ങളിൽ ഉള്ള ക്ലാസുകൾ , സെമിനാറുകൾ , വേദ പഠന ക്ലാസുകൾ , എകൃുെമനിക്കൽ സംഗമം , സ്പോർട്സ് ടൂർണമെന്റ് ( Chess, Volleyball & Badminton ) , പ്രതിഭ സംഗമം, ഹ്രസ്വ ചലച്ചിത്ര മത്സരങ്ങൾ , കയ്യെഴുത്തു മാസിക , ലേബർ ക്യാമ്പ് താമസിക്കുന്ന തൊഴിലാളികളുടെ ഒത്തുകൂടൽ , ഓണം - ക്രിസ്മസ് ആഘോഷങ്ങൾ , കലാസന്ധ്യ , വിഷ രഹിത പച്ചക്കറി കൃഷി , മികച്ച കർഷകനെ കണ്ടെത്താനുള്ള കർഷകശ്രീ മത്സരം , ജീവകാരുണ്യ പ്രവർത്തനങ്ങൾ തുടങ്ങി വൈവിധ്യങ്ങളായ പ്രോഗ്രാമുകൾക്കാണ് യുവജന സഖ്യം ഈ വർഷം നേതൃത്വം നൽകുന്നത്.
യുവജന സഖ്യം സെക്രട്ടറി ജെറിൻ ജേക്കബ്, വൈസ് പ്രസിഡന്റ ബോബി ജേക്കബ് , ട്രഷറർ ഷിജിൻ പാപ്പച്ചൻ , വനിതാ സെക്രട്ടറി ബിൻസി രാജൻ, ജോയിന്റ് സെക്രട്ടറി ദിപിൻ പണിക്കർ , അക്കൗണ്ടന്റ് ജൂബി എബ്രഹാം എന്നിവർ നേതൃത്വം നല്കി.