ജിദ്ദ പ്രവാസിയായിരുന്ന കോഴിക്കോട് സ്വദേശി നാട്ടിൽ മരണപ്പെട്ടു

ജിദ്ദ:  കോഴിക്കോട്ട് തെക്കെപുറം സ്വദേശികളുടെ ജിദ്ദയിലെ കൂടായ്മയിൽ സജീവ പ്രവർത്തകനായിരുന്ന മുൻ പ്രവാസി നാട്ടിൽ മരണപ്പെട്ടു.   വട്ടാംപൊയിൽ നിഅ്മത്ത് മൻസിലിൽ നാലകത്ത് മുഹമ്മദലി (ആലു) - 71 - ആണ് വിടപറഞ്ഞത്.

പരേതരായ മനന്തലയിൽ അബൂബക്കർ കുഞ്ഞിയുടെയും നാലകം ബീവിയുടെയും മകനാണ്.   ഭാര്യ: സിയ്യാലി വീട്ടിൽ ഇമ്പിച്ചിബി (ബിച്ചു).   ജിദ്ദയിൽ പ്രവാസികളായ റിയാദ് അലി, മുഹമ്മദ് റഷദ് അലി  എന്നിവർ മക്കളാണ്.   മരുമക്കൾ:  പുത്തൻ വീട്ടിൽ ഫൌമി, മുല്ല വീട്ടിൽ സാദിയ.  സഹോദരങ്ങൾ:  എൻ അബ്ദുറഹിമാൻ, കുഞ്ഞഹമ്മദ് കോയ, പരേതരായ സുലൈഖ, ആയിഷ. 

ജിദ്ദയിലെ കോഴിക്കോട്ടുകാരുടെ കായിക,  സാംകാരിക, കുടുംബ കൂട്ടായ്മയായ ബി ആർ സിയുടെ  പ്രസിഡണ്ട് സ്ഥാനം വഹിച്ചിരുന്നു.  സിയസ്‌കൊയുടെ മുൻ സെക്രട്ടറിയുമാണ്.  വർഷങ്ങൾക്ക് മുമ്പ് പ്രവാസം മതിയാക്കിയിരുന്നു.

മയ്യിത്ത് കണ്ണംപറമ്പ്  ഖബറിടത്തിൽ സംസ്കരിച്ചു.