കുവൈത്തില്‍ അഞ്ചംഗ മയക്കുമരുന്ന് സംഘത്തെ പിടികൂടി; റെയ്ഡിനിടെ വെടിവയ്പ്പ് ! പ്രതികളില്‍ ഇന്ത്യക്കാരനും

കുവൈത്ത് സിറ്റി: കുവൈത്തില്‍ അഞ്ചംഗ മയക്കുമരുന്ന് സംഘത്തെ സുരക്ഷാ ഉദ്യോഗസ്ഥര്‍ പിടികൂടി. ക്രിമിനൽ സെക്യൂരിറ്റി സെക്ടർ കസ്റ്റംസുമായി സഹകരിച്ച് നടത്തിയ പരിശോധനയിലാണ് പ്രതികള്‍ പിടിയിലായത്. റെയ്ഡിനിടെ വെയിവയ്പ്പും നടന്നു.

പ്രതികളില്‍ ഒരാള്‍ ഇന്ത്യക്കാരനാണ്. കസ്റ്റംസ് ഇൻസ്‌പെക്ടറായി ജോലി ചെയ്യുന്ന ഒരു പൗരൻ, ഒരു സിറിയൻ സ്വദേശി, രണ്ട് ബിദുനികള്‍ എന്നിവരാണ് പിടിയിലായ മറ്റുള്ളവര്‍.

27 കിലോഗ്രാം ഹാഷിഷ്, കഞ്ചാവ്‌, 200 ലഹരിഗുളികകള്‍, 15 കിലോഗ്രാം സംശയാസ്പദമായ വസ്തുക്കൾ, 34 കുപ്പി മദ്യം, ലൈസൻസില്ലാത്ത തോക്കുകളും വെടിക്കോപ്പുകളും എന്നിവ പിടിച്ചെടുത്തു.