ബദിയടുക്ക സ്വദേശി സൗദിയിലെ ലൈലാ അൽഅഫ്ലജിൽ മരണപ്പെട്ടു

ജിദ്ദ:   റിയാദിൽ നിന്ന് 300 കിലോമീറ്റർ അകലെയുള്ള ലൈലാ അൽഅഫലാജ്  എന്ന  പ്രദേശത്ത്  ഒരു മലയാളി മരണപ്പെട്ടു.    

കാസര്‍കോട്, ബദിയടുക്ക സ്വദേശിയും പരേതരായ  മണിയനി - മക്കു അമ്മ  ദമ്പതികളുടെ മകനുമായ ദേലംപാടി വീട്ടില്‍ നാരായണന്‍ (58) ആണ് മരിച്ചത്.

ഭാര്യ യശോദ. മക്കള്‍: അരുണ്‍, പൂര്‍ണിമ, അപൂര്‍വ്വ.   

ദീർഘകാലമായി  പ്രവാസിയായി  കഴിയുന്ന  നാരായണൻ  ലൈലാ അഫ്‌ലാജ്  സൂഖില്‍ തയ്യല്‍ ജോലി ചെയ്തു വരികയായിരുന്നു.  

മൃതദേഹം നാട്ടിലേക്ക് കൊണ്ടുപോകുന്നതിനുള്ള നടപടികൾ  പുരോഗമിക്കുന്നതായി സാമൂഹ്യ പ്രവർത്തകർ അറിയിച്ചു.