ചവറ: പ്രസവത്തിനായി ആശുപത്രിയില്പ്രവേശിപ്പിച്ച യുവതിയും ഗര്ഭസ്ഥശിശുവും മരിച്ചു. പന്മന നെറ്റിയാട് അയണിക്കാട്ടില് റംസീന (28)യും കുഞ്ഞുമാണ് മരിച്ചത്.
കരുനാഗപ്പള്ളിയിലെ സ്വകാര്യ ആശുപത്രിയിലായിരുന്നു ഗര്ഭിണിയായത് മുതല് റംസീനയുടെ പരിശോധനകള് നടത്തിവന്നിരുന്നത്.
ബുധനാഴ്ച വൈകുന്നേരം പ്രസവത്തിനായി ആശുപത്രിയില് പ്രവേശിപ്പിച്ചെങ്കിലും പരിശോധനയില് ഗര്ഭസ്ഥശിശു മരിച്ചതായി കണ്ടു. തുടര്ന്ന് രാത്രി 12ഓടെ തിരുവനന്തപുരത്തെ സ്വകാര്യ ആശുപത്രിയില് പ്രവേശിപ്പിച്ചു. സര്ജറി നടത്തി കുഞ്ഞിനെ പുറത്തെടുക്കവേ വ്യാഴാഴ്ച പുലര്ച്ചെയാണ് മരണം സംഭവിച്ചത്.