സോഷ്യല് മീഡിയയില് സെലിബ്രിറ്റികള്ക്ക് പ്രത്യേകിച്ച് സ്ത്രീകള്ക്ക് പല സൈബര് അതിക്രമങ്ങളും നേരിടേണ്ടി വരാറുണ്ട്. മെസേജായും കമന്റ് ബോക്സുകളിലും അശ്ലീലം വിളമ്പി ഒരു പരിധിവിടുമ്പോള് ചില സെലിബ്രിറ്റികളെങ്കിലും ശക്തമായി പ്രതികരിക്കാറുണ്ട് . ഇപ്പോഴിതാ അത്തരത്തില് ഒരു പ്രതികരണത്തിന് മുതിര്ന്നിരിക്കുകയാണ് പ്രിയാമണി.
നഗ്നചിത്രങ്ങള് പോസ്റ്റ് ചെയ്യാമോ എന്ന് ചോദിച്ചായിരുന്നു കമന്റ്. സൈലിങ് മാന് എന്ന ഐഡിയില് നിന്നാണ് കമന്റ്. ഇത് ശ്രദ്ധയില്പ്പെട്ട പ്രിയാമണി ഇങ്ങനെക്കുറിച്ചു.
”ആദ്യം നിങ്ങളുടെ അമ്മയോടും സഹോദരിയോടും ഇതേ ചോദ്യം ചോദിക്കൂ. അവര് ചെയ്യുന്ന മുറയ്ക്ക് ഞാനും അത് തന്നെ ചെയ്യാം”- പ്രിയാമണി കുറിച്ചു.
പതിനെട്ടാം പടിയാണ് പ്രിയാമണി അവസാനമായി വേഷമിട്ട മലയാള ചിത്രം. ഇപ്പോള് ഹിന്ദിയിലും തമിഴിലും തെലുങ്കിലുമായി ഒട്ടേറെ ചിത്രങ്ങളിലാണ് പ്രിയാമണി അഭിനയിച്ചു കൊണ്ടിരിക്കുന്നത്.