പ്രിയങ്ക ക്രിസ്ത്യാനി, അവരുടെ ആരാധനാകേന്ദ്രം പള്ളി : കാശി ക്ഷേത്രത്തില്‍ പ്രവേശിക്കുന്നത് തടയണമെന്ന് അഭിഭാഷകരുടെ സംഘം

വാരണാസി: എഐസിസി ജനറല്‍ സെക്രട്ടറി പ്രിയങ്ക വാദ്ര ക്രിസ്ത്യാനിയാണെന്നും അതിനാല്‍ കാശി വിശ്വനാഥ ക്ഷേത്രത്തില്‍ പ്രവേശിപ്പിക്കാന്‍ അനുവദിക്കരുതെന്നും അഭിഭാഷകര്‍. ഇക്കാര്യം ചൂണ്ടിക്കാട്ടി അഭിഭാഷകരുടെ സംഘം ജില്ലാ മജിസ്‌ട്രേറ്റിന് കത്ത് നല്‍കി.

പ്രിയങ്ക വാദ്ര ക്രിസ്ത്യാനിയാണെന്നും അതിനാല്‍ കാശി വിശ്വനാഥ ക്ഷേത്രത്തില്‍ പ്രവേശിക്കുന്നത് തടയണമെന്നും കത്തില്‍ ആവശ്യപ്പെടുന്നു. സനാതന ധര്‍മ്മം ഓര്‍മ്മിപ്പിച്ചു കൊണ്ടായിരുന്നു കത്ത്.

മുഖ്യമന്ത്രി യോഗി ആദിത്യനാഥിനെ അഭിസംബോധന ചെയ്തുളള കത്താണ് നല്‍കിയത്. ഇതില്‍ പ്രിയങ്കയുടെ ആരാധനാകേന്ദ്രം പളളിയാണെന്നും ചൂണ്ടിക്കാണിക്കുന്നു.