പാറ്റ്ന: ബീഹാറിലെ മുസഫര്പൂരില് മസ്തിഷ്ക ജ്വരം ബാധിച്ച് മരണപ്പെട്ട കുട്ടികളുടെ എണ്ണം 108 ആയി. രണ്ട് ആശുപത്രികളിലായി 300ലേറെ കുട്ടികള് ഇപ്പോഴും ചികിത്സയിലാണ്. അസുഖം പൊട്ടിപ്പുറപ്പെട്ടിട്ട് രണ്ടാഴ്ചയായെങ്കിലും കുട്ടികളെ ഇന്ന് ആദ്യമായി സന്ദര്ശിക്കാനെത്തിയ മുഖ്യമന്ത്രി നിതീഷ് കുമാറിനെതിരെ പ്രതിഷേധം ഉയര്ന്നു.
ശ്രീകൃഷ്ണ മെഡിക്കല് കോളേജ് ആശുപത്രിയിലെത്തിയ നിതീഷ് കുമാര് കുട്ടികളുടെ രക്ഷിതാക്കളെയും ബന്ധുക്കളെയും കാണാന് തയ്യാറായിട്ടില്ല.
1-10 നും ഇടയില് പ്രായമുള്ള കുട്ടികളെയാണ് അസുഖം കൂടുതല് ബാധിച്ചത്. ശ്രീകൃഷ്ണ മെഡിക്കല് കോളേജ് ആശുപത്രിയിലാണ് ഏറ്റവും കൂടുതല് കുട്ടികള് മരണപ്പെട്ടത്. 88 കുട്ടികളാണ് ഇവിടെ മരിച്ചത്. കെജ്രിവാള് സ്വകാര്യ ആശുപത്രിയിലാണ് മറ്റു കുട്ടികള് മരണപ്പെട്ടത്.