ശ്രീനഗര്: ജമ്മു കാഷ്മീരിലെ പുല്വാമയില് സുരക്ഷാ സേനയുടെ വാഹനവ്യൂഹത്തിനു നേരെ ഐഇഡി ആക്രമണമുണ്ടായതുമായി ബന്ധപ്പെട്ട മാധ്യമ വാര്ത്തകള് തള്ളി സൈന്യം.
44 രാഷ്ട്രീയ റൈഫിളിന്റെ വാഹനത്തിനു നേരെ ആക്രമണമുണ്ടായി എന്നത് ശരിയാണ്. എന്നാല്, എട്ട് സൈനികര്ക്ക് അതീവ ഗുരുതരമായ പരിക്കേറ്റെന്ന മാധ്യമ വാര്ത്തകള് തെറ്റാണ്- സൈന്യം വ്യക്തമാക്കി.
ഉന്നത സൈനിക ഉദ്യോഗസ്ഥരെ ഉദ്ധരിച്ച് വാര്ത്താ ഏജന്സിയായ എഎന്ഐയാണ് ഇക്കാര്യം റിപ്പോര്ട്ട് ചെയ്തത്. എന്നാല് നേരത്തെ, എട്ട് സൈനികര്ക്ക് ഗുരുതര പരിക്കേറ്റെന്ന് എഎന്ഐയും റിപ്പോര്ട്ട് ചെയ്തിരുന്നു. പുല്വാമയിലെ അരിഹര് ജില്ലയിലാണ് ആക്രമണം ഉണ്ടായത്.